တာယာမင်းဝေကဗျာများ

ကျွန်တော်တင်တဲ့ဟာတွေထဲမှာ တစ်ချို့ဟာတွေ ထပ်ပြီး ပါကောင်းပါနေနိုင်ပါတယ်...တကယ်လို့ ထပ်ပြီး ပါနေခဲ့တယ်ဆိုရင်လည်း နားလည်ပေးကြပါနော်..ကျွန်တော်က မှတ်ဥာဏ်တအားကောင်းတော့ ဘယ်ဟာတင်ပြီး မတင်ပြီး မမှတ်မိလို့ပါ...ဟီးးးးး...

"နွား"

(၁) မနှင်းဆီဆိုတဲ့ ကြောင်မလေးကို ပန်းဝါတစ်ပွင့် လှီးကျွေးရတယ်။
(၂) သမံတလင်းပေါ် လွတ်ကျသွားတဲ့ ရထားငယ်အော်သံကို ပြန်ကောက်တယ်။
(၃) ၀တ်ရည်ကိုင်းတစ်ကိုင်းကို တနင်္ဂနွေနေ့နဲ့တိုင်းပြီး ချိုးပေးရတယ်။
(၄) တစ်ဘ၀လုံး လိမ်းကျံခဲ့သမျှ ရွံစေးလိုကွာကျမယ်မှန်း မသိဘူး။
(၅) အံ့သြစရာတော့ မဟုတ်ပါ။
(၆) မထားခဲ့ဖို့ ဆိုင်းညှိုတောင်းပန်ရင်း အုန်းလက်နွားကို ကျန်ခဲ့ရသူပါ။

+ တာယာမင်းဝေ +


"ချစ်သူသို့ (၄)"

ဒီမြေမှာ
ချစ်သောဝါးရနံ့တို့ လင်းသုန်နေကြပြီ။

ငါ ဆောင်းချင်တဲ့ ထီးကလေးရေ . . .။

မိုးရာသီအတွက်
မကြခင်မှာ တို့တွေထွန်ရေးဝင်ကြမယ်။

ရင်ကိုတောက်စားတတ်တဲ့ ကောက်ပဲသီးနှံများလို
ငါတို့လည်း အချင်းချင်း ၀င်းမှည့်တွယ်တာကြမယ်။

"နက်ဖြန်ခါ" ဆိုတာ . . .
နေ၀န်းက အသစ်ထပ်ရေးပေးတဲ့ ကဗျာပဲ
ဘယ်လိုလက်တွေကမှ ဆွဲမဖြဲနိုင်ဘူးကွယ့်။

သစ်ပင်အိုအောက်က နတ်ကွန်းမှာ
ဖယောင်းတိုင် မီးရှူးတစ်တိုင် ငြိမ်သက်ညှိထွန်းရင်း
တို့တွေ အလင်းခိုပြီး စောင့်မယ်။

+ တာယာမင်းဝေ (ချယ်ရီ၊ ဖေဖော်ဝါရီ၊ ၂၀၀၀) +


"ဓါတ်ပုံလေး"

မိုးလုံလေလုံ
နှလုံးအိမ်ထဲက ဓါတ်ပုံလေး
ထုတ်ထုတ်ကြည့်ဖြစ်တယ်
သတိရတိုင်း
တောင့်တတိုင်း ရွှဲနစ်
နှလုံးအိမ်ထဲက မျက်ရည်တွေ
ငါက ဓါတ်ပုံလေးကို တွေရီငေး
ဓါတ်ပုံလေးက ငါ့ကို တွေရီငေး
လွမ်းတယ်။

+ တာယာမင်းဝေ +


"ဆက်ထုံး"

"အဝေးကြီး ဝေးရစေမယ်. . ." တဲ့
ပင်လယ်က
သူ့တစ်ကိုယ်လုံးကို
ဖွင့်ပြီးပြေးတယ်။

မီးပြတိုက်က. . .
ကဆုန်ပေါက်ပြီး ပြေးမလိုက်ပါဘူး။

သူ့အလင်းလဲ့မှုန်နဲ့
ပင်လယ်သားပေါက်ကလေးရဲ့ ဖွင့်ပွဲကို
. . . ပြည့်စုံစေလိုက်တယ်။

+ တာယာမင်းဝေ +


"ထင်းခွေသူ"

လူချင်းထိခိုက်သံကို ကြားရမှမဟုတ်ပါဘူး
ဝတ်မှုန်ကလေးရဲ့ သွားသံလာသံကို ကြားရတာကလည်း
ဘဝပဲ. . . ။
အဲဒီနေ့ကမှ ငါကလည်း ထင်းရှာထွက်မိတယ်
နောက်ဆုံးတော့
သစ်ပင်တွေကို သေခိုင်းရမယ့်အစား
ပုဆိန်ကို ငါသတ်လိုက်တယ်။

+ တာယာမင်းဝေ +


"ပြုစားခဲ့တဲ့သူ"

မနေ့ကမှ ကိုယ့်ကိုယ်ကို ငုံ့ကိုင်းကြည့်မိရဲ့
ကျွန်တော့်ရဲ့ ထွက်သက်ဝင်သက်ကလေးတောင်
အရပ်အတော်မြင့်ခဲ့ပြီ။

လမ်းထိပ်က သွေးနွေးသတ္တဝါတွေအတိုင်းပါပဲ
လောကဓံ ခွန်းကြီး၊ ခွန်းငယ်တွေကြားမှာ
ကျွန်တော်ဟာလည်း ဝူးဝူးဝါးဝါးနဲ့
"လူ" အဖြစ် "ပွင့်" ခဲ့ရတာပါ။

တကယ်ဆို ကဗျာဟာ
အချစ်ဦးမသိအောင် ရေးရတဲ့အရာပေါ့
ကံ့ကော်နဲ့ အဖူးရောအပွင့်ရော လွဲခဲ့ရသလိုမျိုး ဘာညာဘာညာ
အဲဒီလို မာယာအမှုကိုလည်း
ကိုယ်တိုင်ကိုယ်ကျ ပြုခဲ့ဖူးပြီ။

တစ်ခါတစ်ရံ လေပူတွေအဝေ့မှာတော့
လမ်းလျှောက်သူတို့ရဲ့ ဘာသာဘာဝ တုန်ခါယိမ်းသွေဖူးတယ်
အဲဒါကလွဲရင် သူလိုကိုယ်လိုလောက်တောင်
ကျွန်တော် မကောက်ကွေ့ခဲ့ပါဘူး။

ကျွန်တော်နဲ့ သိုးထိန်းတို့ ခုလိုမျိုးစကားစိမ်းဆိုကြ
သြော် တစ်ခုတော့ရှိတယ်
ကျွန်တော်မပါဘဲနဲ့လည်း ဧရာဝတီမြစ်ဟာ စီးမြဲစီးနေလိမ့်မယ်
အဲဒါကို ပြောဖို့ ကျန်ခဲ့တယ်။

+ တာယာမင်းဝေ +


"မာယာ"

သူရှာတာက
သူရဲ့ "နှင်းဆီပွင့်" တဲ့
(ဟုတ်မဟုတ်တော့ မသိဘူး)

တိတ်တိတ်ကလေးရွေ့လျားလာရင်း
နောက်ဆုံးမှာ သူဟာ. . .
မှော်ရုံကို ရင်ဖွင့်ကြည့်လိုက်တယ်
(ဘာကိုမြင်သလဲဆိုတာ မပြောဘူး)

အဲဒီလိုနဲ့
သိန်းခိုမြို့ကြီးလည်း
မီးပုံထဲကို တစ်ရှူးထိုးခုန်ချ
(မျက်မြင်သက်သေမရှိဘူး ဒါပေမယ့်... သေချာတယ်)

သူကတော့
သူ့အမြင်အတိုင်း ပြန်ပြောပြတယ်
"စကြာဝဠာက
နှင်းဆီပွင့်ကလေးကို မျိုချလိုက်တာ" တဲ့
နားထောင်ကြည့်လေ (အဲဒီနောက် သူထွက်ခွာသွားလေရဲ့
အခုတောင် မြင်းခွာသံတွေကို ကြားရသေးတယ်)

+ တာယာမင်းဝေ +


"ရည်စားစာ"

စာရွက်ပေါ်မှာပဲ နင့်ကိုချစ်နေရုံနဲ့တော့
ငါ့ဘဝက မင်ကုန်တာပဲ အဖတ်တင်လိမ့်မယ်။
မပျံသန်းနိုင်တဲ့ငှက် လို့ ပြောတိုင်း
ပင်ဂွင်းငှက်ကို ပြေးမြင်ရင်
နင့်ကိုငါ မခေါ်ချင်ဘူး။
ကျောင်းအုပ်ကြီး ဖတ်ဖို့ရေးတဲ့စာမဟုတ်လို့
ကျောင်းသွားဖော်လေး ဖတ်စေချင်တာ
ငါ့စေတနာပါ။
နင့်နှလုံးသားကို နင်ဖုန်းခေါ်ပါ
ပြီးမှ ငါ့ကိုစာပြန်ပါ။

+ တာယာမင်းဝေ +


"ကိုယ်တိုင်ရေး ကယ်ရီကေးချား"

ကံကောင်းတဲ့တစ်နေ့က
လေယာဉ်ပျံကြီး စီးရတယ်
ကံမကောင်းတဲ့ တစ်နေ့က
ခွေးဟောင်ခံရတယ်။

ကမ္ဘာကြီးနဲ့ ကျွန်တော့်ကိုယ်
ယှဉ်တွဲပြီး ဗေဒင်ဟောကြည့်တော့
ဂျွန်လင်နွန်
ဖရက်ဒီမာကျူရီ
ကတ်ကိုဘိန်း လွန်သော်လည်း
သီချင်းကောင်းများ ဆက်လက် နားဆင်ရအံ့
ချာလီချက်ပလင်
ဖိုးပါကြီး
သန်းနွဲ့ လွန်သော်လည်း
ငိုအားထက် ရယ်အားများ သန်ရဦးအံ့
ခင်သန်းနု
ဂျနီဖာ
ရှကီရာ လွန်သော်လည်း
မိန်းမလှလေးများ
ညှို့အားကောင်းနေဦးအံ့
ဟစ်တလာ
မူဆိုလိုနီ
နစ်ဆင် လွန်သော်လည်း
အဓမ္မတရားများ
ဆက်လက် ထွန်းကားနေလတ္တံ။

ယတြာမှာ
ကမ္ဘာတစ်ပတ် ပတ်၍
အရပ်ရှစ်မျက်နှာကို
ပီကာဆို ပန်းချီကားများ
အလကားဝေပါ။

အဖြေမှာ
ကမ္ဘာကြီးကို နားဆင်မိသူ ဘီသိုဗင်ခမျာ
နားပင်းသွားတယ်
ဘီသိုဗင်ကို နားဆင်မိသူ ကမ္ဘာကြီးမှာ
ကျန်းမာလာတယ်
ကျွန်တော်နဲ့ ကမ္ဘာကြီးကတော့
ဇွဲကောင်းကောင်း အချစ်ဇာတ်လမ်းတစ်ပုဒ်လိုပါပဲ
လုံးလည်ချာလည်။

+ သုခမိန်လှိုင် +


"ညီမလေးရဲ့သီချင်း"

ညီမလေးရေ
မင်းဆိုနေတဲ့ သီချင်း
မင်းဘဝရဲ့ သီချင်းဟာ
ငါ့နားနဲ့ စိမ်းနေတဲ့
ဂီတအမျိုးအစားပါ။

ညီမလေးရေ
မင်းဆိုနေတဲ့ သီချင်း
မင်းဘဝရဲ့ သီချင်းဟာ
ငါ မတီးခတ်တတ်တဲ့ သံဇဉ်တွေနဲ့
မင်းတည်ဆောက်ထားတဲ့ သီချင်းတစ်ပုဒ်ပါ။

ညီမလေးရေ
မင်းဆိုနေတဲ့ သီချင်း
မင်းဘဝရဲ့ သီချင်းဟာ
ငါ အဓိပ္ပါယ်မဖွင့်ဆိုတတ်တဲ့
ဖွဲ့သီထားတဲ့ သီချင်းတစ်ပုဒ်ပါ။

ညီမလေးရေ
မင်းဆိုနေတဲ့ သီချင်း
မင်းဘဝရဲ့ သီချင်းဟာ
မလုံအခြုံတဲ့ ငါ့အသံသေတ္တာထဲ
ဖမ်းဆုပ်ထည့်ဖို့ မသင့်တဲ့
အပြင်းစားသီချင်းတစ်ပုဒ်ပါ။

ညီမလေးရေ
မင်းဆိုနေတဲ့ သီချင်း
မင်းဘဝရဲ့ သီချင်းဟာ
အသံထွက်ညံ့လွန်းမက ညံ့နေတဲ့ ငါ့အဖို့
ပါးစပ်တောင်မှ မဟဝံ့တဲ့
"ကီး" မြင့်မြင့် သီချင်းတစ်ပုဒ် ဖြစ်နေခဲ့တာ
မင်း မသိခဲ့ပါလား
ညီမလေးရယ်။

+ စိုင်းဝင်းမြင့် +


"တထိတ်ထိတ်ကမ္ဘာ ပျော်စရာ"

ဘယ်တုန်းကလဲ မသိဘူး
ဘယ်သူတွေလဲ မသိဘူး
ဘာလုပ်သွားသလဲ မသိဘူး
ဘယ်တော့လဲ မသိဘူး
ဘာဖြစ်လာမလဲ မသိဘူး
ကမ္ဘာကြီးစာ မျက်စေ့သူငယ် နားသူငယ်နဲ့
ကမ္ဘာထဲက ငါတို့ဟာ 9/11 တစ်လှည့် 11/9 တစ်လှည့်
မနက်ဖြန် ဘာဖြစ်မလဲမသိတော့
အသက်ရှင်နေရတာလဲ စိတ်ဝင်စားစရာပေါ့။

+ ကိုရွေး(၁-၁၂-၂၀၀၈) +
9/11 - ကမ္ဘာကုန်သွယ်ရေးအဆောက်အအုံ(WTC) တိုက်ခိုက်ခံရတဲ့နေ့။

11/9 - အရှေ့ဂျာမနီနဲ့ အနောက်ဂျာမနီကို ခြားထားတဲ့ တံတိုင်းကြီးကို ပြည်သူဖြိုချလိုက်တဲ့နေ့။


"အငွေ့ပျံနေ့ရက်များ"

အာခိမိဒိသီအိုရီဟာ
သွားတစ်ချောင်းအဖြစ် ရောက်ရှိလာတယ်။

ရေချိန်လွတ်နေတဲ့ စားပွဲခုံတစ်ခုံ ခုန်လို့။

အလွန်တရာ အရသာရှိခဲ့တာက
မျှော်လင့်နေရတာ မှန်သမျှပေါ့။

ချစ်လှစွာသော လောကဓံရေ. . .
ဖြစ်ချင်တိုင်း မဖြစ်ရတာကိုပဲ ချစ်နေရပါတယ်။

အသက်ရှူသံတွေထဲမှာ ပန်းပွင့်တွေရှိတယ်
အသက်ရှူသံဟာ ပန်းပွင့်ဖြစ်တယ်
ဆူးရှိ၊
အရသာချဉ်စူးစူး
အစေးလည်းထွက်
ကျီးပေါင်းတက်နေတဲ့ အိပ်မက်တစ်ခု
အသက်ရှူသံ ပန်းပွင့်ထဲမှာ ရှိနေလေရဲ့။

+ မောင်ချောနွယ် +


"တစ်ဝက်တစ်ပျက် မှတ်တမ်း"

ပထမမြောက် ရဲရင့်ခြင်းအဖြစ်
အမေက ငါ့ကို ဆွဲဖွင့်တယ်
ယမမင်းရဲ့ သြ၀ါဒက ပြက္ခဒိန်တွေကို ဟောင်းမြစေရဲ့။

ငါ့ရင်ဘတ်ထဲမှာက မီးပွင့်ဖဲချပ်တွေ တစ်ထပ်ကြီး
ငါပြောလိုက်တဲ့ ဓားသွားတစ်ခွန်းက
နတ်ဆိုးအပေါင်းကို ရေမွန်းစေခဲ့ပြီ တဲ့။

ငယ်ငယ်ဝံ့ဝံ့ လောကဓံနဲ့
ဆောင်ဦးလေပြည်လို ပန်ချင်တဲ့ကောင်
မရေးရသေးတဲ့ အက္ခရာတစ်ကြောင်းဟာ
ဘယ်လက်နဲ့ . . . ၀ှက်ထားတဲ့ ဗျတ်စောင်းပဲ။

သေနတ်တစ်လက်ရဲ့ ပြောင်းထဲမှာ
ကျည်ဆန်လို ငါဂူအောင်းဖူးတယ်
ငါ့ဝိညာဉ်ထဲက မီးခိုးပျော့ပျော့အသံများ
နက္ခဦးလို . . . ပျံစေသား။

+ တာယာမင်းဝေ(idea မဂ္ဂဇင်း၊ ဇူလိုင်၊ ၂၀၀၃) +


"အဲဒီတော့ ငါစဉ်းစားတယ်"

ဒီအတိုင်းဆို စဉ်းစားစရာပဲ
ဟို အတိုင်းဆို စဉ်းစားစရာပဲ
ဒီလို တစ်သက်လုံး ငါစဉ်းစားနေတုန်း
အိမ်ထောင်ကျသူက ကျသွားပြီ၊ ဘွဲ့ဂုဏ်ထူး
ရသူက ရသွားပြီ၊ စီးပွားဖြစ်သူဖြစ်၊
ရောဂါရသူရ၊ ကပ်ဆိုက်သူဆိုက်၊ သေသူသေ
"ဘဝကို နားလည်သွားပြီ" တဲ့
"ဘာအရေးကြီးဆုံးလဲ သိသွားပြီ" တဲ့
"ဒီလိုမှပေါ့" တဲ့
အားလည်း အားကျစရာ
စဉ်းလည်းစဉ်းစားစရာ
ကဲ။
ဘာကြောင့် ဒီလိုဖြစ် ဒီလိုကြောင့် ဘာဖြစ်
စဉ်းစားသူ ငါလည်း စဉ်းစားဆဲပေါ့
ထို့ကြောင့် ငါစဉ်းစားနေတာလဲ
ငါဘာတွေစဉ်းစားနေတာလဲ
ငါ စဉ်းစားတာကို ငါပြန်စဉ်းစားကြည့်တော့
ငါ့စဉ်းစားခန်းက စဉ်းစားစရာဖြစ်လာတယ်
စဉ်းစားစရာ ကောင်းလာတယ်
အဲဒီတော့ ငါစဉ်းစားတယ်
. . . . . . . . .

+ မောင်ယုပိုင် (မြန်မာသစ်မဂ္ဂဇင်း၊ 1/09) +