ရန်ကုန်တိုင်း ဒေသကြီး သာကေတမြို့နယ် မင်းနန္ဒာ လမ်းမကြီးပေါ်တွင် ၃၂ ဘတ်စ်ကားက တက္ကစီကို ဝင်တိုက်မိ၍ တက္ကစီ လည်ထွက်သွားပြီး အသုပ်ဆိုင်ကို ဝင်တိုက်မိသဖြင့် သုံးဦး ဒဏ်ရာရရှိကြောင်း မျက်မြင်တွေ့ရှိ သူများက ပြောသည်။
ဖြစ်စဉ်မှာ အဆိုပါ လမ်းမကြီးပေါ်တွင် မွန်းတည့် ၁၂ နာရီက ယာဉ်မောင်း အောင်ကျော်သူ မောင်းနှင် လာသော မထသ-၃၂ ဘတ်စ်ကား ၅ခ/-----က အငှားယာဉ်မောင်း သန့်စင်မောင်းနှင်သည့် AA/---- တက္ကစီယာဉ်ကို ဝင်တိုက်မိ၍ တက္ကစီမှာ မင်းနန္ဒာလမ်းနှင့် နောင်ရိုးလမ်းထောင့်ရှိ အသုပ်ဆိုင်ကို ဝင်တိုက်မိရာ ဆိုင်ရှင်အပါအဝင် သုံးဦး ဒဏ်ရာရရှိကာ နီးစပ်ရာဆေးခန်းသို့ တင်ပို့ခဲ့ရပြီး ဆေးကုသပေးလျက်ရှိသည်။
အဆိုပါ ယာဉ်တိုက်မှုဖြစ်စဉ်ကြောင့် မြင့်မြင့်စမ်း၊ သား သီဟဇော် နှင့် ပိုင်ပိုင်တို့ ဒဏ်ရာများရရှိခဲ့ကြောင်း သိရသည်။ ယင်းဖြစ်စဉ်နှင့် ပတ်သက်၍ သက်ဆိုင်ရာ ယာဉ်ထိန်းတပ်ဖွဲ့ဝင်များက ဆက်လက်စုံစမ်းစစ်ဆေးမှု များပြုလုပ်လျက်ရှိသည်။
သတင်းနှင့်ဓာတ်ပုံ-မြင့်မောင်စိုး
Myanmaalinn
0 comments:
Post a Comment
နည်းပညာနဲ့ ပတ်သတ်ပြီး သိလိုသည်များကို မေးခဲ့နိုင်ပါတယ်...နည်းပညာတိုင်းက ကျွန်တော် ရေးထားတာ မဟုတ်ပေမယ့်..ကျွန်တော် သိသလောက်ကို ဖြေပေးမှာပါ..သတင်းပို့စ်တွေနဲ့ ပတ်သတ်ပြီးလည်း..ကြိုက်သလို ဝေဖန်နိုင်ပါတယ်...