ကားသစ်(Brand New) များ တင်သွင်းရာတွင် ဇန်န၀ါရီ ၁၇ရက်မှစ၍ ဘယ်မောင်းသာ သွင်းခွင့်ပေးတော့မည်ဖြစ်ပြီး အနိမ့်ဆုံးမော်ဒယ်သတ်မှတ်ချက်ကို မော်တော်ယာဉ်တင်သွင်းခွင့်ဆိုင်ရာ ကြီးကြပ်ရေးကော်မတီက ထုတ်ပြန်လိုက်သည်။
‘‘အခုကြေညာချက်တွေကို ကားအရောင်းပြခန်းတွေ၊ အရောင်းစင်တာတွေကို ပေးထားပြီးပြီ။ ဘယ်မောင်းပြောင်းတာနဲ့ မော်ဒယ်တစ်နှစ်တိုးပဲ ရှိတယ်။ ကျန်တာတွေကတော့ သိပ်အများကြီးပြောင်းတာမရှိဘူး’’ဟု မော်တော်ယာဉ်အရောင်းပြခန်းလုပ်ငန်းရှင်တစ်ဦးကပြောသည်။
အနိမ့်ဆုံးတင်သွင်းနိုင်သည့် နှစ်ကို တစ်နှစ်တိုးမြှင့်သတ်မှတ် လိုက်ခြင်းဖြစ်ပြီး မော်ဒယ်အလိုက် သတ်မှတ်ခွင့်ပြုချက်များကို ဒီဇင်ဘာ ၁၅ ရက်စွဲဖြင့် ထုတ်ပြန်လိုက်ခြင်းဖြစ်သည်။
‘‘ကားတွေဈေးကွက်ထဲမှာ အများကြီးရှိနေတော့ အများကြီး ထိခိုက်မှာမဟုတ်ဘူး။ အစိုးရက ဒီလိုလုပ်တာကလည်း ဖြစ်ရိုးဖြစ်စဉ်တစ်ခုပါ။ ဈေးမြှင့်တင်ပြီးရောင်းတဲ့ကားက ရောင်းထွက်မှာမဟုတ်ဘူး။ အခွန်လျှော့ပေးမယ်ဆိုရင်တော့ ဈေးကွက်အပြောင်းအလဲ ရှိသွားနိုင်တယ်’’ ဟု ကားဝယ်ရောင်း ဦးသန်းနိုင်က ပြောသည်။
ထို့ကြောင့် ယာဉ်အိုယာဉ်ဟောင်း အစားထိုး တင်သွင်းမှုတွင် အပ်ကုန်စနစ် အပါအ၀င် လူစီးယာဉ်များသည် ၂၀၀၃ မှ ၂၀၀၉အတွင်း ၁,၃၅၀ စီစီအောက် လူစီးယာဉ်များသည် ၂၀၀၃မှ ၂၀၀၅ အတွင်း ကုန်တင်ယာဉ်များမှာ ၂၀၀၃ မှ ၂၀၀၉အတွင်းနှင့် ခရီးသည်တင်ယာဉ်များသည် ၂၀၀၃ နှင့် ၂၀၀၉ အတွင်း တင်သွင်းနိုင်မည်ဖြစ်သည်။
‘‘နိုင်ငံတိုင်းမှာ ကားပေါ်လစီ ရှိတယ်။ အခုထုတ်ပြန်တာလည်း အရင်က ကားပေါ်လစီပဲ။ ပေါ်လစီတစ်ခုထုတ်ရင် ကားဈေးတွေကျမယ်၊ တက်မယ်ထင်နေကြတယ်။ အစိုးရကလည်း အခုလိုခွင့်ပြုတာ ဘယ်လောက်ထိ ခွင့်ပြုမှာလဲအရေးကြီးတယ်။ ဈေးလျှော့ဖို့က အစိုးရအခွန်နဲ့ ဆိုင်တယ်’’ ဟု Capital Automotive.Ltd အုပ်ချုပ်မှုဒါရိုက်တာ ဦးခင်ထွန်းကပြောသည်။
နိုင်ငံခြားငွေစာရင်းဖွင့်လှစ်ပြီး တစ်ဦးချင်း၏ ဖရီးပါမစ်များမှာ လူစီးယာဉ်များ အတွက် ၂၀၁၀ မှ ၂၀၁၅ အတွင်း ၁၃၅၀ စီစီနှင့်အောက် လူစီးယာဉ်များသည် ၂၀၀၃မှ ၂၀၁၅အတွင်း ကုန်တင်ယာဉ်များ ၂၀၀၅ မှ ၂၀၁၅အတွင်း ခရီးသည်တင်ယာဉ်များ express သည် ၂၀၁၀ မှ ၂၀၁၅အတွင်းနှင့် မြို့တွင်းပြေးဆွဲယာဉ်များမှာလည်း ၂၀၁၀မှ ၂၀၁၅အတွင်းဘယ်မောင်းများကိုသာ တင်သွင်းရန် သတ်မှတ်ထားသည်။
တိုင်းဒေသကြီးနှင့် ပြည်နယ် အစိုးရအဖွဲ့ဖြင့် တက္ကစီလျှောက်ထားမှုများမှာ လူစီးမော်တော်ယာဉ်များ ၂၀၁၀မှ ၂၀၁၅အတွင်း ယာဉ်များ ဖြစ်ရမည်ဖြစ်သည်။ ပုံမှန်လိုင်စင်ဖြင့်မော်တော်ယာဉ် လျှောက်ထားနိုင်သော ယာဉ်များ (FOC စနစ်ဖြင့် ပြည်ပမှ လှူဒါန်း သည့် မော်တော်ယာဉ်ပါမစ် လျှောက်ထားမှု)၌ လူစီးယာဉ်များသည် ၂၀၁၀မှ ၂၀၁၅ခုနှစ်အတွင်း လုပ်ငန်းသုံးယန္တရားယာဉ်များ သည် ၂၀၀၅ မှ ၂၀၁၅ ခုနှစ်အတွင်း မီးသတ်ယာဉ်၊ လူနာတင်ယာဉ်၊ နိဗ္ဗာန်ယာဉ်များသည် ၁၉၉၉ ခုနှစ် မှ ၂၀၁၅ ခုနှစ်အတွင်း တင်သွင်းရမည်ဖြစ်ပြီး သာသနာရေးယာဉ်များကို ၂၀၀၅မှ ၂၀၁၅ အတွင်း တင်သွင်းရန်သတ်မှတ်ထားသည်။
အစိုးရဌာနမော်တော်ယာဉ် လျှောက်ထားမှုများအတွက် ၂၀၀၅နှင့် ၂၀၁၅ အတွင်း တင်သွင်းခွင့်ပြုမည်ဖြစ်သည်။
‘‘ကားအများစုက တစ်နှစ်တိုး သတ်မှတ်လိုက်တော့ လေလံမှာတော့မော်ဒယ်မြင့်တာတွေက ဈေးနည်းနည်းတက်သွားနိုင်တာ ပေါ့’’ဟု မော်တော်ယာဉ်တင်သွင်းသူတစ်ဦးကဆိုသည်။
by 7daydaily
0 comments:
Post a Comment
နည်းပညာနဲ့ ပတ်သတ်ပြီး သိလိုသည်များကို မေးခဲ့နိုင်ပါတယ်...နည်းပညာတိုင်းက ကျွန်တော် ရေးထားတာ မဟုတ်ပေမယ့်..ကျွန်တော် သိသလောက်ကို ဖြေပေးမှာပါ..သတင်းပို့စ်တွေနဲ့ ပတ်သတ်ပြီးလည်း..ကြိုက်သလို ဝေဖန်နိုင်ပါတယ်...