ကားတစီးပေးတဲ့ ဒုက္ခ

အခု ကျွန်တော်ပြောပြမယ့် ဇာတ်လမ်းက ကျွန်တော့်ကိုယ်တွေ့မဟုတ်လေတော့ အဖြစ်မှန်ဟုတ်ပါတယ်ဆိုတာကိုတော့ ရာခိုင်နှုန်းပြည့် အာမခံဖို့ရာ အတော်ခက်သားဗျ။ ဒါပေမယ့် ကျွန်တော်ကိုယ်တိုင်ကတော့ ဒီကိစ္စကို ဖြစ်နိုင်ချေရှိတယ်ဆိုတာကို ကိုးဆယ်ရာခိုင်နှုန်း ယုံတယ်။ ဘာလို့လဲဆိုတော့ အခုပြောမယ့်အကြောင်းမှာ ကိုယ်တိုင်ကြုံခဲ့ကြတဲ့ ကာယကံရှင်တွေကို ကျွန်တော် တနေရာချင်းစီမှာ တယောက်စီခွဲပြီးတော့ သူတို့တွေ့ကြုံခဲ့ရတဲ့ အဖြစ်အပျက်ကို မေးကြည့်ခဲ့တယ်လေ။ ရဲတွေ တရားခံကို လူခွဲစစ်သလိုမျိုးပေါ့ဗျာ (သူတို့အတွေ့အကြုံကိုလည်း ပြောရသေးတယ်။ လူကိုမယုံသလို မသင်္ကာသလိုပုံစံနဲ့ ပုလိပ်တွေ တရားခံကို အမှုစစ်သလို မေးတာမှန်းသိရင်တော့ ကာယကံရှင်တွေအကုန်လုံး ကျွန်တော့်ကို မေတ္တာဝိုင်းပို့မှာ အသေအချာပဲ..)။
ကျန်တဲ့ ဆယ်ရာခိုင်နှုန်းကိုကျတော့ ဘာလို့မယုံလဲဆိုတော့ လူတချို့က ကိုယ့်အတွေ့အကြုံကို ချဲ့ကားပြီး ပြောတတ်တဲ့ အကျင့်ရှိတတ်ကြတယ် မဟုတ်လား။ ဒီတော့ သူတို့ပြောလာတဲ့ အကြောင်းအရာတွေဟာ အဖြစ်အပျက်မှန်တခုပေါ်မှာ သူတို့ရဲ့ ဝသီအာဘော်တွေ လွှမ်းခြုံကောင်း လွှမ်းခြုံနိုင်နေလိမ့်ကောင်းရဲ့ဆိုတဲ့ စိတ်တခုတည်းနဲ့ ကျန်တဲ့ ဆယ်ခိုင်ရာနှုန်းကို ကျွန်တော်က မယုံကြည်မှု ခပ်ပါးပါးလေး ဖြစ်နေမိတာပါ။ နောက်ပြီးတော့ ဒီဇာတ်လမ်းနဲ့ပတ်သက်ပြီး ကြိုပြောချင်တာလေးတွေလည်း ကျန်နေသေးတယ်။ ကိုယ်တိုင်ကြုံရတာမဟုတ်တဲ့အပြင် လူ( ၄) ယောက်ကို တယောက်တနေရာစီ ခွဲပြီးမေးထားတဲ့ ကိစ္စဖြစ်နေတော့ သူတို့ပြောတဲ့အတိုင်းသာ လုံးစိပတ်စိပြန်ချရေးရရင် ကျွန်တော့်စာလည်း တော်တော်နဲ့ကို အဆုံးသတ်နိုင်မှာ မဟုတ်တဲ့အပြင် ဖတ်ရတဲ့သူတွေလည်း စာဖတ်ရတာ အဆင်ချောလိမ့်မယ် မထင်ဘူး။ အဲ့ဒါကြောင့် သူတို့ပြောပြတဲ့ အကြောင်းအရာထဲမှာ ကျွန်တော်ကိုယ်တိုင်ဝင်ပါနေသလိုမျိုး ရေးကြည့်လိုက်တယ်ဗျာ။ တခုခုများ အဆင်မပြေမှုရှိခဲ့ရင်တော့
ကျွန်တော်စာအရေးအသားညံ့ဖျင်းလို့ ဖြစ်ရပါတယ်လို့ပဲ နားလည်ပေးကြဖို့ ကြိုတောင်းပန်ပါရစေ။ ကိုင်း ...နိဒါန်းပျိုးလို့ ပြီးရင်တော့ စ, ပြောတော့မယ်။ ဂလိုဗျ။

        **************************************************************
                                           ကျွန်တော်တို့နှင့် CR-V

        ကျွန်တော်နဲ့ ကျွန်တော့်အစ်ကို မလေးရှားကိုရောက်တော့ ကေအယ်(လ်)မြို့လယ်ခေါင်နဲ့ ဆယ့်တစ်မိုင်လောက်ဝေးတဲ့ နေရာမှာရှိတဲ့ ကားဝပ်ရှော့တခုမှာ အလုပ်ရတယ်။ ကျွန်တော်တို့နေတဲ့ နေရာကို လိပ်စာညွှန်းရရင်တော့ ဆလန်းဂေါပြည်နယ်(Selangor)၊ ချရပ်စ်(Cheras) ခရိုင်ထဲမှာခင်ဗျ။ ကျွန်တော်တို့နေတဲ့ရပ်ကွက်ကနေ ကေအယ်လ်ကိုသွားရင် လိုင်းကားနဲ့ဆို တနာရီနီးပါးစီးရပြီး တက္ကစီနဲ့ဆိုရင်တော့ အဲ့လောက် အချိန်မကြာဘူးဗျ။ မလေးရှားကိုရောက်လာတဲ့ မြန်မာတော်တော်များများ အလုပ်မှာ အဆင်မပြေကြတာများတယ်လို့ မြန်မာပြည်မှာနေတုန်းက ကြားဖူးနားဝရှိပေမယ့် ကျွန်တော်တို့ ညီအစ်ကိုနှစ်ယောက်ကတော့ ကံကောင်းတယ်လို့ပဲ ပြောရမှာပဲ။ အလုပ်လုပ်ရတဲ့ ဝပ်ရှော့ပိုင်ရှင်သူဌေးကတော့ တော်တော်ကောင်းတယ်ဗျ။ ပါမစ်ကြေးလည်း မဖြတ်ပဲစိုက်ပေးတယ်ဗျာ။ ပတ်စပို့သက်တမ်းတိုးခအတွက်လည်း ကျွန်တော်တို့ လစာထဲက မနှုတ်ဘူး။ အလုပ်ဝင်ဝင်ချင်းလမှာ ကျွန်တော်တို့လုပ်အားခကို တနာရီကို မလေးငွေ(၁၀)ရင်းဂစ်နှုန်းနဲ့ ပုံမှန်ရိုးရိုးအလုပ်ချိန်(၈)နာရီ တရက်စာအတွက် (၈၀)ပေးတယ်။ အချိန်ပို အိုတီက တနာရီကို (၃)ရင်းဂစ်ပေးတယ်။ လုပ်အားခပေးတဲ့နေရာမှာ မနှမျောသလို အလုပ်ခိုင်းတဲ့နေရာမှာလည်း အသားကုန်ပဲဗျို့။ သူ့ဝပ်ရှော့မှာရှိတဲ့အလုပ်သမားက ကျွန်တော်တို့ညီအစ်ကိုနှစ်ယောက်ရယ်၊ ကျွန်တော်တို့ထက်အရင် ရောက်နှင့်နေတဲ့ ဦးလှမင်း( ကျွန်တော်တို့ကတော့ သူ့ကို ဘကြီးလို့ပဲ ခေါ်ကြတယ်)ရယ်၊ ပြီးတော့ သူ့တူ အကျုံးဆိုတဲ့ တရုတ်ရယ်၊ အလီဆိုတဲ့  Sabah မျိုးနွယ် မလေးရယ် အားလုံးပေါင်းမှ ငါးယောက်တည်းရှိတာ။ လုပ်တဲ့အလုပ်က ကားအဲယားကွန်း၊ အင်ဂျင်၊ အလိုင်းမင့်၊ ဝါယာရိန်းအကုန်စုံတယ်။ မလုပ်ရတာဆိုလို့ ဘော်ဒီထု၊ဆေးမှုတ်အလုပ်ပဲ ကျန်တော့တာဗျာ။ တရက်တရက်ကို ဝင်တဲ့ကားကလည်း တခါမှ မပြတ်တော့ဘူးရယ်။ ကျွန်တော့်စိတ်ထဲမှာ တနိုင်ငံလုံးက ကားတွေ အလှည့်ကျစနစ်နဲ့ ပျက်ပြီးတော့ ကျွန်တော်တို့ဝပ်ရှော့မှာ လာပြင်နေကြလေသလားလို့တောင် တခါတလေ ရူးကြောင်ကြောင် အတွေးဝင်မိတဲ့အထိအောင် အလုပ်များတာ။ အဲ့လောက် အလုပ်များရတဲ့ကြားက ကျွန်တော်တို့သူဌေးရဲ့ စီးပွားရေးသောင်းကျန်းချက်က ဘယ်လောက်ထိများလဲဆိုရင် ကားအာမခံကုမ္ပဏီတခုနဲ့ ချိတ်ပြီးတော့ အဲ့ကုမ္ပဏီက လာအပ်တဲ့ ကားတွေကိုပါ ပြင်ပေးရတဲ့အလုပ်ပါ ထပ်တိုးလာရော။ အဲ့အလုပ်ထပ်တိုးလာလို့ ကျွန်တော်တို့လည်း အခုပြောပြမယ့် ကိစ္စကြီးကို မကြုံချင်ပါပဲ ကြုံခဲ့ကြရတာ။

            
          ကျွန်တော်တို့အလုပ်ရှင် ထပ်တိုးလိုက်တဲ့ အလုပ်က ဒီလိုဗျ။ ကားအာမခံကုမ္ပဏီတွေက သူတို့ဆီမှာ အာမခံထားတဲ့
ကားတွေမတော်တဆမှုတခုခုဖြစ်လာရင် အလျော်ပေးရင်ပေး၊ မပေးရင်လည်း ကားကို မူလအနေအထားအတိုင်း ပြန်ဖြစ်ပြီး
ကားပိုင်ရှင်စိတ်ကျေနပ်လောက်တဲ့အထိ ပြန်ပြင်ပေးရတယ်။ အဲ့ဒီကားအာမခံလုပ်ငန်းက သူ့customerတွေရဲ့ကားတွေ မတော်တဆဖြစ်လို့ ပိန်တာ၊ချိုင့်တာ၊ ဆေးထိသွားတာကစလို့ ကားအောက်ပိုင်းတို့၊ ဖရိမ်တို့အကုန်လုံး
ပြန်ပြင်ဖို့အတွက်ကို ကျွန်တော်တို့သူဌေးကို ကန်ထရိုက်ပေးတယ်။သူတို့သတ်မှတ်ထားတဲ့ အချိန်ကာလအတောအတွင်း
ပြီးအောင်ပြင်ပေးရတယ်။ သတ်မှတ်ချိန်အတွင်း မပြီးရင်တော့ သူဌေးက ပြန်လျော်ပေးရတယ်။
ကုန်ကျစရိတ်ကိုတော့ ကားပြင်လို့ပြီးတာနဲ့ ချက်ချင်းရှင်းပေးတယ်။ တကယ်မလွယ်ဘူးဗျာ အဲ့ဒီအလုပ်က။ မြန်မြန်ပြီးအောင်လောနေရလို့ စိတ်မောရတာကတမျိုး၊ အပျက်အစီးတွေကြားထဲကနေ ဟိုနှိုက်ဒီကလော်လုပ်ရလို့ လူပင်ပမ်းရတာက တမျိုးနဲ့ တကယ်စိတ်ညစ်ရတဲ့အလုပ်။ ဒါတောင် ဘော်ဒီထု၊ ဆေးမှုတ်ဖို့ကိစ္စကို တခြားဝပ်ရှော့ကို လက်လွှဲပြန်ပေးထားလို့ ကျွန်တော်တို့ သက်သာရာရတာ။ နောက်တော့ အလုပ်လည်းပိုတွင်၊ ကျွန်တော်တို့လည်း နည်း
နည်းသက်သာအောင်လို့ အလုပ်သမားအသစ်နှစ်ယောက်ကို အလုပ်သမားအေးဂျင့်ကနေတဆင့် ထပ်ခေါ်တယ်။
အဲ့ဒီ အသစ်ရောက်လာတဲ့ နှစ်ယောက်ကလည်း ကျွန်တော်တို့ ရွှေမြန်မာတွေပဲမို့ ကျွန်တော်တို့လည်း တော်တော်ပျော်သွားတယ်။
တယောက်က ပခုက္ကူ၊ ကံမရွာသားမို့လို့ ဒီကောင့်ကို ကျွန်တော်တို့အားလုံးက ကံမ လို့ပဲ ခေါ်ကြတယ်။ တယောက်ကတော့ တိုင်းရင်းသားဗျ။ လူပုံစံက ကိုယ်လုံးကိုယ်ထည် တောင့်တောင့်တင်းတင်းနဲ့ တကယ့် ဖိုက်တာပုံစံပေါက်နေတာ။ တကိုယ်လုံးမှာလည်း အင်းလိုလို၊ စမလိုလိုအရုပ်တွေ ပြည့်နေအောင် ထိုးထားတာ။ ဒီကောင့်ကိုတော့ ကျွန်တော်တို့က ဖိုးခွားလို့ပဲ ခေါ်ကြတယ်။ အဲ့ကောင်ဖိုးခွားအကျင့်က စကားအရမ်းနည်းတယ်။ သူလုပ်ချင်လာပြီဆိုရင် ဘာမပြောညာမပြော
ထလုပ်တတ်တဲ့ အကျင့်ရှိတယ်။ ဟိုကောင် ကံမကျပြန်တော့ နည်းနည်းထုံတယ်ပြောရမလားပဲ။ မြန်မာပြည်ကနေ မလေးရှားရောက်လာပြီး ကျွန်တော်တို့နဲ့အတူတူ အလုပ်လုပ်တာ သုံးနှစ်သုံးမိုးကြာတဲ့အထိ သူမလေးစကားကို ကောင်းကောင်း
မပြောတတ်သေးဘူး။ သူကောင်းကောင်းပြောတတ်တာဆိုလို့ တခွန်းတည်းရှိတယ်။ အဲ့ဒါဘာစကားလို့ထင်လဲ။ မသိဘူး (Tak Tahu ) ဆိုတာပဲပြောတတ်တယ် အဟုတ်။ သူဘယ်လောက်ထိ မလေးစကားကျွမ်းကျင်တယ်ဆိုတာ ပြောရဦးမယ်။ အိမ်မှာဟင်းချက်စရာ ဆီကုန်နေလို့ သူ့ကို ခွန်တစ်တစ်(711) ဆိုင်မှာ ဆီသွားဝယ်ခိုင်းလိုက်တာ အိမ်ပြန်ရောက်မလာပဲ
အချုပ်ထဲ ရောက်သွားပါလေရော။ ဖြစ်ပုံက သူဆီဝယ်ပြီးပြန်လာတော့ လမ်းမှာကင်းလှည့်နေတဲ့ မလေးပုလိပ်က သူ့ကိုခေါ်မေးတယ်။ ပထမတော့ ပတ်စပို့ရှိလားလို့ မလေးလိုမေးတယ်။ မသိဘူးလို့ မလေးစကားနဲ့ ပြန်ဖြေတော့ ဟိုက အင်္ဂလိပ်လို ပြောင်းပြီးထပ်မေးတယ်။ ဒါလည်း မသိဘူးပဲထပ်ဖြေတယ်။ ဘာမေးမေး မသိဘူးလုပ်လို့နောက်ဆုံး ရဲကားပေါ်တင်ခေါ်သွားပြီး အချုပ်ခန်းထဲ ထည့်ထားလိုက်တော့တာ။ ရန်ဖြစ်လို့အချုပ်ထဲရောက်နေတဲ့ ဗမာတယောက်ရှိနေလို့ သူ့အတွက် စကားပြန်လုပ်ပေးလို့ ပြန်လွတ်လာတာ။ သူ့ကို အချုပ်ခန်းကနေသွားထုတ်တဲ့နေမှာ စခန်းက ပုလိပ်က သူ့ကို မလေးစကားနဲ့မေးတယ်။ " ငါ ရဲဆိုတာရော မင်းသိလား??? " ဆိုတော့ ကျွန်တော့်ကောင်က တရိုတသေ ပြန်ဖြေလိုက်တာ အဲ့ဒီပုလိပ်မျက်နှာ ပုပ်သိုးသွားတာပဲ။ သူပြန်ဖြေတာက သူ့ထုံးစံအတိုင်း မသိဘူးလို့ ပြန်ဖြေလိုက်တာကိုး။ အချုပ်ကထွက်လာပြီး
ကတည်းက ကျွန်တော်တို့ရဲ့ဇာတ်လိုက်ကျော် မောင်ကံမတယောက် မြို့နယ်ရဲစခန်းက ပုလိပ်တွေကြားမှာ နာမည်ကိုကြီးသွားတော့တာပဲ။ သူနဲ့အတူ လမ်းသွားရင်းနဲ့ လမ်းမှာ ကင်းလှည့်နေတဲ့ အပိုင်ရဲစခန်းက ပုလိပ်ဆိုင်ကယ်တွေ၊ ရဲကားတွေ သူ့ကိုတွေ့တာနဲ့ ကားကိုရပ်ပြီး မလေးစကားနဲ့ "မသိဘူး.ဘယ်သွားမလို့လဲ" ဆိုတဲ့ အဓိပ္ပါယ်ရတဲ့ " Tak tahu!! Pergi mana? " လို့ မေးတော့တာပဲ။ သူကလည်း သူ့ရဲ့လက်သုံးစကားနဲ့ မသိဘူး လို့ပဲ တွင်တွင်ဆက်ဖြေမြဲ...။


          ဒီလိုကိုးရို့ကိုးယားအဖြစ်တွေကို ကျော်ဖြတ်ရင်းနဲ့ပဲ မလေးရှားနိုင်ငံရဲ့ တရားဝင်အလုပ်ပိတ်ရက်တွေထဲက Hari Raya ဆိုတဲ့
ပိတ်ရက်ကို ရောက်လာပါရော။ မြန်မာလိုရှင်းအောင်ပြောရရင်တော့ အစ္စလာမ်ဘာသာဝင်တွေ တလလုံးဥပုသ်စောင့်ရာက ဥပုသ်ထွက်တဲ့လပေါ့ဗျာ။ မလေးရှားမှာက တရုတ်နှစ်သစ်ကူးရက်ရှည်ပိတ်ရက်ဆိုရင် တရုတ်တွေက သူတို့ဇာတိရပ်ရွာကို ပြန်ကြသလို မလေးလူမျိုး အစ္စလာမ်ဘာသာဝင်တွေရဲ့ ရက်ရှည်ပိတ်ရက် Hari Raya မှာကျတော့ မလေးလူမျိုးတွေက သူတို့ဇာတိမြို့ရွာတွေမှာ ကျန်ခဲ့တဲ့ မိသားစုဝင်တွေနဲ့အတူ ဥပုသ်ထွက်ပွဲကြီးကို တပျော်တပါးဆင်နွှဲဖို့ရာအတွက် မိသားစုလိုက်
ကိုယ့်ကားနဲ့ကိုယ် ပြန်ကြတဲ့အလေ့ရှိတယ်။ လိုင်းကားတို့၊ ရထားတို့သိပ်မစီးကြတာလားတော့မသိပါဘူး။ အင်းပေါ့လေ..
သူတို့နိုင်ငံက အာရှကျားတွေထဲမှာ တကောင်အပါအဝင်ဆိုတော့လည်း သူတို့နိုင်ငံသားတွေရဲ့ လူနေမှုအဆင့်အတန်းက
တအိမ်ထောင်မှာ ကားတစီးစီပိုင်နေကြတာကိုး။ အဲ့လို အခါကြီးရက်ကြီး ရောက်လုနီးပလားဟေ့ဆိုရင် ကျွန်တော်တို့ဝပ်ရှော့တွေလည်း ချာလပတ်ရမ်းနေအောင် အလုပ်များရတော့တာပဲဗျို့။ ခရီးဝေးပြန်ရမယ့်ကားပိုင်ရှင်တွေက
သူတို့ကားတွေစိတ်ချရအောင်လို့ တာယာတွေ လာလဲ၊ အင်ဂျင်ဝိုင်လာလဲ၊ အလိုင်းမင့်ချိန်၊ ဂွေချိန်နဲ့ မနက်အလုပ်ဆင်းချိန်ကနေ
ညနေ အလုပ်သိမ်းချိန်အထိ တချက်ကလေးတောင် မထိုင်ရပါဘူးဗျာ တကယ်။ ထမင်းစားတာတောင် ဆီချေးတွေပေနေတဲ့ လက်ကို ဆေးမနေအားတော့လို့ ဇွန်းနဲ့ တလုပ်နှစ်လုပ်လောက် ကပျာကယာခပ်စားပြီးရင် ကားကိုပြေးနှိုက်လိုက်။ ပြီးရင် နောက်
တခေါက် ပြန်ပြေးလာပြီး ထမင်းစားလိုက်နဲ့အလုပ်လုပ်ရတာ။ ဒါတောင် တခါတလေ အိုတီရှိတဲ့အခါမျိုးတွေမယ် ည ဆယ်နာရီလောက်မှ အလုပ်သိမ်းရတယ်။ ဝပ်ရှော့ရဲ့အပေါ်ထပ်မှာတင် နေစရာစီစဉ်ပေးထားလို့ တော်သေးတာ။ သူတို့လူမျိုးတွေ
ကားကို ဂရုစိုက်တာလည်းမပြောနဲ့လေ။ မလေးရှားရဲ့ရာသီဥတုကလည်း တော်ကြာ တနေကုန်နေပူရင်းက မိုးထရွာချင်ရွာတယ်။
တနေကုန်တနေကုန် မိုးရွာနေရင်းက ညနေလောက်ရောက်တော့ ခြစ်ခြစ်တောက် နေပူချင်ပြန်တော့လည်း စွတ်ရွတ်ပူလာတတ်တယ်ဗျ။ အီကွေတာရာသီဥတုလို့တော့ တတ်သိနားလည်သူတွေက ပြောကြတာပဲ။ ကျွန်တော်ကတော့
အီကွေတာဆိုတာ သိလည်းမသိချင်သလို စိတ်လည်း စိတ်မဝင်စားဘူး။ အီကြာကွေးကို လက်ဖက်ရည်နဲ့ တို့စားရတာက အဲ့ဒီ အီကွေတယထက် အရသာရှိတာအမှန်ပဲ။ အဲ့လိုမျိုး ရုတ်တရက်မိုးရွာတဲ့အခါမျိုးမှာ ကားတွေ လမ်းချော်၊စလစ်မဖြစ်အောင်လို့ သူတို့နိုင်ငံသားတွေ အမြဲလိုလို ဂရုတစိုက်နဲ့ ကားတာယာတွေစစ်၊ အလိုင်းမင့်ချိန် လုပ်ကြရမှန်း တဖြည်းဖြည်းနဲ့ ကားပြင်သက်ကြာလာတော့မှ နားလည်လာတယ်။ နောက်ပြီးတော့ သူတို့ဆီမှာ လမ်းတွေက လွှတ်ကောင်းတော့ မောင်းပဟေ့
ဆိုရင် ဟိုက်စပိနဲ့ မောင်းကြတာ(ဗျာ....အင်္ဂလိပ်စကားကို မြန်မာလိုရေးလိုက်တာပါဗျာ..။ ကျွန်တော်မဆဲရပါဘူး။) High Speed ကိုပြောတာ။ အဲ့လိုမောင်းကြလွန်းအားကြီးလို့ တော်ကြာနေတိုက်ကြ၊ သေကြဖြစ်တဲ့သတင်းတွေ တီဗွီမှာ ပါလာတာလည်း ခဏခဏပဲ။ အိမ်ပြန် (အဲလေ) ရွာပြန်ကားတွေ များလွန်းလို့ ဟိုင်းဝေးလမ်းတွေမှာ ယာဉ်ကြောမကြပ်အောင်လို့ အစိုးရက
နေ့ကြီးရက်ကြီးတွေရောက်လာရင် ကုန်တင်ယာဉ်တွေကိုတောင်မှ အမြန်လမ်းမကြီးတွေ(Express Highway) ပေါ်မှာ
ပေးမမောင်းတော့ဘူး။ ပြီးတော့ ယာဉ်တိုက်မှုမဖြစ်အောင်လို့ သတိပေးချက်ကိုလည်း ရုပ်မြင်သံကြား၊ရေဒီယိုတွေကနေ နားညီးလောက်အောင်ကို ကြော်ငြာပေးတာ ကျွန်တော့်စိတ်ထင် တနာရီ လေးခါလောက်တော့ အနည်းလေးပဲ။ ယာဉ်ထိန်းရဲတွေဆိုလည်း အဲ့ဒီရာသီချိန်ဆိုရင် လမ်းမကြီးတွေပေါ်မှာ စစ်ဆေးရေးဂိတ်တွေဖွင့်ပြီး သတ်မှတ်နှုန်းကျော်မောင်းတဲ့ကားတွေကို လိုက်ဖမ်းနေရတဲ့ အလုပ်တခု ပိုတတ်ကြတယ်။ ဒါတွေထားပါတော့ဗျာ ကျွန်တော်တို့နဲ့
ဘာမှ မဆိုင်ပါဘူး။ ကျွန်တော်တို့လို နိုင်ငံရပ်ခြားတိုင်းတပါးရောက်နေတဲ့ မြန်မာတွေအတွက်တော့ သူများတွေ အိမ်ပြန်တာကို မြင်ရတော့ရင်ထဲမှာတော့ သိပ်မကောင်းဘူးပေါ့ဗျာ။ အလုပ်ပိတ်ရက်တွေမှာ မိုးရွာတဲ့အခါမျိုးဆိုရင် ကျွန်တော့်ရဲ့ အိမ်လွမ်းတဲ့ရောဂါက ပိုထလာတတ်တယ်။ မိုးတွေက အုံ့မှိုင်းနေတုန်းအချိန်မှာ ဝိုင်းဝိုင်းရဲ့ အိမ်လွမ်းသူသီချင်းများကြားလိုက်ရရင် မျက်ရည်ပါ ဝဲလာမိတာ။ တော်ပြီဗျာ သရဲအကြောင်းရေးပါမယ်ဆိုမှ ငိုချင်းချမိတော့မယ်။ ကိုယ့်အိုးကိုယ့်အိမ် ကိုယ့်မိသားစုနဲ့ ခွဲပြီး တပြည်တရွာမှာ လာနေရတဲ့သူတယောက်ကသူများတွေ သူတို့မိသားစုနဲ့ ပြန်ဆုံကြမယ့် အိမ်ပြန်ခရီးကိုမြင်နေရတော့
စိတ်ထဲမှာ တမျိုးတော့ဖြစ်နေတာ အမှန်ပဲဗျ။ သူတို့ ဒီလောက်ထိ ကြပ်မတ်နေတဲ့ကြားထဲကနေပြီးကို ယာဉ်တိုက်၊ လူသေမှုကလည်း မဖြစ်တဲ့ နှစ်ရယ်လို့ မရှိသလောက်ပဲ။ ဒီမှာက ယာဉ်တိုက်မှုကြီးကြီးမားမားဖြစ်လာရင် သတင်းကိုဖုံးထားလို့ ရမယ်မထင်လေနဲ့။ သတင်းစာထဲ တီဗွီသတင်းထဲမှာ နေ့မကူးခင်ပါလာပြီ။

          ပိတ်ရက်တွေကုန်ဆုံးလို့ အလုပ်တွေ ပြန်ဖွင့်ချိန်မှာ ကျွန်တော်တို့ဝပ်ရှော့လည်း ပုံမှန်အတိုင်း ပြန်လည်ပတ်စပြုလာပါပြီ။
မနက်လင်းတာနဲ့ ရေချိုး၊ ထမင်းကြမ်းလေး ကပျာကယာစားပြီးတာနဲ့ ဝပ်ရှော့နာမည်စတစ်ကာပါတဲ့ စက်ပြင်ဝတ်စုံကိုကောက်စွပ်၊
safety shoe လို့ ခေါ်လား safety boot လို့ခေါ်သလား အဲ့ဒီ ဖိနပ်ကြီးစီးပြီးတာနဲ့ အလုပ်ခွင်ကို စဝင်ရတော့တာပဲ။ ဒီဖိနပ်ကလည်း
မစီးချင်လို့ မရဘူး။ တရက်မစီးရင် ဒဏ်ငွေ(၁၀)ရင်းဂစ် မြန်မာငွေနဲ့တွက်လိုက်ရင် (၃၀၀၀) နီးပါး ဆောင်ရမှာ အဲ့ဒါအလုပ်စည်းကမ်းဗျ။ အလုပ်က ပိတ်ရက်မတိုင်ခင်လောက်တော့ မပင်ပမ်းတော့ဘူးပေါ့ဗျာ။ ခပ်ပါးပါးလေးပဲ။ ဆီပျောက်မီးပျောက်ဖြစ်တဲ့ကား တစီးတလေရယ်၊ အလိုင်းမင့်ချိန်မယ့်ကားတချို့နဲ့ ဂီယာဝိုင်လာလဲတဲ့ ကားတွေလောက်ပဲရှိတော့
သက်သာတယ်လို့ ပြောလို့ရတယ်။ မှတ်မှတ်ရရပြောရမယ်ဆိုရင် အဲ့ဒီနေ့က စနေနေ့ဗျ။ ကျွန်တော်တို့သူဌေး ဦးထိပ်ပြောင် မနက်အစောကြီး ဝပ်ရှော့ကိုရောက်လာပြီး ကျွန်တော်တို့အားလုံးကို ရုံးခန်းထဲကို လာခိုင်းတယ်။ သိသိချင်းတော့
တခုခုများ ပြဿနာတက်သလားလို့တောင် စိတ်ပူမိသွားသေးတယ်။ ရုံးခန်းထဲမှာလူစုံတော့မှ ဘိုးတော်က သူတို့တမိသားစုလုံး ပြည်ကြီး(တရုတ်နိုင်ငံ)ကို သုံးပတ်ခရီးသွားဖို့ရှိတယ်ဆိုတာ ပြောတယ်။ ကြားကြားချင်း ပျော်လိုက်တာများ မပြောပါနဲ့တော့။
ပျော်နေတာလေးတောင် မဆုံးသေးဘူး ဘိုးတော်ဆက်ပြောတာက ဒီနေ့ အာမခံရုံးက ကားတစီးလာပို့မယ်တဲ့။ အဲ့ဒီကားကို
ဘော်ဒီထု၊ ဆေးမှုတ်ဖို့ ဘော်ဒီရုံပို့ဖို့ ဒီနေ့ အချိန်မမီရင် တင်္နလာနေ့ ဝပ်ရှော့ပြန်ဖွင့်ရင် သွားပို့လိုက်လို့ ထပ်မှာတယ်။ ကျွန်တော့်အတွေးထဲမှာတော့ ဒါများ အထူးအဆန်းလုပ်ပြီးမှာနေသေးတယ်။ ခါတိုင်းလည်း ဒီလိုပဲလာပို့နေကျဥစ္စာ ဘာဆန်းလဲလို့ တွေးလိုက်မိသေးတယ်။ အဲ့ဒီအတွေးရဲ့ဆန့်ကျင်ဖက်အဖြစ်အပျက်တွေ အဲ့ဒီစနေနေ့ညမှာ ကြုံရတော့မယ်မှန်းကို ကျွန်တော်လည်း ကြိုမှမသိနိုင်ခဲ့ပဲလေ။ လူကြီးတွေရဲ့ထုံးစံအတိုင်း သူမရှိတဲ့အချိန် ကောင်းကောင်းနေကြဖို့ သြဝါဒတွေမိန့်ကြားပြီး နေ့လည်ခင်းမှာ ပြန်သွားရော။

         ကျွန်တော်တို့လည်း ကားပြင်စရာမရှိတော့တာနဲ့ သူမှာသွားတဲ့ အာမခံရုံးက လာပို့မယ့်ကားကိုမျှော်နေကြတာ ညနေစောင်းတဲ့အထိ ပေါ်မလာသေးဘူး။ သူဌေးကလည်း သေချာမှာသွားတာဆိုတော့ လာပို့မှာကတော့ သေချာတယ်။
စနေမိုးကလည်း သောက်ကျိုးနည်းအောင် ရွာနေတာများ အိမ်လွမ်းစိတ်ကနေ ဒေါသစိတ်ဘက်ကိုတောင် ပြောင်းချင်လာတယ်။
လေတွေနင်းကန်တိုက်၊ လျှပ်စီးတွေ တဖြတ်ဖြတ်လက်၊ မိုးတွေခြိမ်းနဲ့ အတော့်ကို သဲကြီးမဲကြီးရွာနေတော့တာ။ စိတ်မရှည်တော့တာနဲ့ ကျွန်တော်တို့ဝပ်ရှော့မှာရာထူးအကြီးဆုံးဖြစ်တဲ့ အကျုံးကို အာမခံရုံးကိုဖုန်းဆက်မေးခိုင်းရတော့တာပဲ။
အကျုံးလည်း မနက်ဖန် တနင်္ဂနွေဆိုတော့ သူလည်းကျွန်တော်တို့လိုပဲ အိမ်ကိုစောစောပြန်ချင်နေရှာပုံရတယ်။ ချက်ချင်းကို
ဖုန်းကောက်ဆက်တော့တာ။ ဖုန်းဆက်ပြီးတော့ ကျွန်တော်တို့ကိုပြန်ပြောတာက ကျွန်တော်တို့ဝပ်ရှော့ကို ကားပို့ဖို့ထွက်သွားတဲ့
Tow In ကား(Toyota Town Ace ကားကိုပြောတာမဟုတ်ဘူးနော်။ ပျက်နေလို့ မောင်းမရတော့တဲ့ကားတွေကို ကရိန်းနဲ့ချိတ်ပြီးဆွဲပေးတဲ့ ကားကိုပြောတာ။ ကျွန်တော်တို့မြန်မာပြည်မှာတော့ Break down ကားလို့ခေါ်တယ်ထင်တာပဲ) ညနေ
သုံးနာရီထိုးကတည်းက ထွက်သွားတာ လမ်းမှာဘီးနှစ်ခါပေါက်လို့ကြာနေတာပါလို့ ဟိုဖက်က ပြန်ဖြေတယ်တဲ့။ သူတို့ကားကို
ဖုန်းလှမ်းဆက်မေးတော့ ရောက်ကာနီးနေပြီလို့ ပြောတယ်တဲ့။ ကျွန်တော်တို့ပြောနေတုန်းမှာပဲ ခါတိုင်း ကျွန်တော်တို့ဆီကို
ကားပျက်တွေဆွဲပို့နေကျ Tow in ကားအနီရောင်က ဝပ်ရှော့ရှေ့မှာလာရပ်တယ်။ အဲ့ဒီကားကိုမောင်းတဲ့ ဒရိုင်ဘာနာမည်က
မာလကျင်လို့ခေါ်တယ်ဗျ။ သူက မလေးနိုင်ငံသား တမီလ်ဟိန္ဒူလူမျိုး။ သူကားပေါ်က ဆင်းလာတော့ သူ့တကိုယ်လည်း ရေတွေစိုရွှဲနေတာပဲဗျာ။ သူ့ပုံစံကြည့်ရတာလည်း မျက်နှာမသာမယာနဲ့။ အင်းပေါ့လေ .. လမ်းမှာ မိုးထဲရေထဲ ဘီးနှစ်ခါတောင်ပေါက်လို့ ဘီးဖြုတ်လဲလာရတော့လည်း ဘယ်ကားသမားက စိတ်ကြည်လင်ပါ့မလဲနော့။ သူ့ကိုကြည့်နေရင်းက
သူ့ကားနဲ့ဆွဲလာတဲ့ ကားပျက်ဆီကို ကျွန်တော့်အကြည့်က အမှတ်မထင်ရောက်အသွားမှာ ကျွန်တော့်ပါးစပ်က " ဟာ... " ဆိုတဲ့ အသံအကျယ်ကြီးထွက်သွားတယ်။
     
          ဘီးလေးလုံးတပ်ထားလို့သာ ကားရယ်လို့ ပြောလို့ရတာ။ ကားတစီးလုံး ဘာမှရစရာမကျန်တော့ဘူး။ ကားဘယ်ဘက်ခြမ်းရှေ့တံခါးက အတွင်းထဲကို တမိုက်လောက်ကျွံဝင်နေပြီ။ စပ်စုချင်စိတ်နဲ့ မိုးရေတွေကြားထဲ ကားဆီလျှောက်သွားပြီး ကားညာဘက်ခြမ်းကို ကြည့်လိုက်တော့ နောက်ခန်းတခုလုံး ရှုံ့တွနေတာများ မြင်ရက်စရာမရှိဘူးဗျာ။
ကျွန်တော့်နောက်နားကကပ်လိုက်လာတဲ့ ဘကြီး(ကျွန်တော်တို့က ဦးလှမင်းကို ဘကြီးလို့ပဲခေါ်ကြတယ်) က " ဟေ့ကောင်..
မောင်ဝေ..ကားထဲကိုလာကြည့်ဦး " လို့ခေါ်တာနဲ့ ကျွန်တော်သွားကြည့်မိလိုက်တယ်။ သောက်ကျိုးနည်းဗျာ..ကားထဲမှာ
ခြောက်ကပ်နေတဲ့သွေးစတွေ မနည်းမနောပဲ။ မှန်တွေကွဲနေလို့ မိုးရေမဝင်အောင်ကာထားတဲ့ ပလတ်စတစ်အကြည်တွေကြားကနေ ကားအရှိန်ကြောင့် လေတိုးပြီးဝင်လာတဲ့ရေတွေကြောင့်  သွေးစတချို့ ခြောက်နေရာနေ
အစိုဓာတ်ပေါက်လာလို့လားတော့မသိဘူး။ ကျွန်တော့်နှာခေါင်းထဲမှာ သွေးညှီနံ့ရလိုက်သလိုပဲ။ အဲ့ဒီအနံ့ကြောင့်ပဲထင်ပါတယ်။
ကျွန်တော့်စိတ်ထဲမှာ ဝမ်းနည်းသလိုလို ၊ အားငယ်သလိုလိုတောင်ဖြစ်သွားတယ်။ မြင်မကောင်းလောက်အောင် ကားထဲမှာ သွေးတွေပေနေတာများ ကားခေါင်မိုး အတွင်းထဲမှာတောင် သွေးစသွေးနတွေပေနေတဲ့အထိဗျာ။ ကားကြမ်းပြင်ပေါ်မှာလည်း ကလေးကစားစရာအရုပ်လေးတချို့ရယ်၊ မလေးလူမျိုးတွေ ဆောင်းလေ့ဆောင်းထရှိတဲ့ songkok လို့ခေါ်တဲ့ သူတို့ရိုးရာဦးထုပ်လေးတလုံးရယ်၊ ပြီးတော့ မိန်းမစီးဒေါက်မြင့်ဖိနပ်လေးတရံရယ်၊ နောက်ပြီး အလှပြင်ပစ္စည်းနဲ့ စီဒီသီချင်းခွေတွေ သွေးအလိမ်းလိမ်းနဲ့ပြန့်ကြဲနေတာ။ ဒီလောက်အခြေအနေနဲ့ဆိုရင်တော့ အနည်းဆုံးကားမောင်းတဲ့လူကတော့
အသက်မရှင်နိုင်လောက်ဘူး။ ကားလေးကိုလည်း အတော်နှမျောမိတယ်ဗျာ။ ငွေမှင်ရောင် Honda CR-V  ၂၀၀၆ မော်ဒယ်လ် ကားဆိုတော့ ကာလပေါက်ဈေးနဲ့တွက်ရင် အတော်လေးတော့ တန်ဖိုးရှိမှာဗျ။ ကားထဲမှာအာရုံရောက်နေမိတဲ့ ကျွန်တော့်စိတ်တွေ
မာလကျင်ရဲ့ အသံဗြဲကြီးကြားတော့မှ သတိပြန်ဝင်လာတယ်။ မာလကျင်အော်ပြောနေတဲ့မလေးစကားကို မြန်မာလိုပြန်ပြောရရင်တော့ .... " အဘားဘား ... ဒီနေ့နော် မာလကျင် အများကြီးကံမကောင်းဘူး။ မိုးမိမှာကြောက်လို့
သုံးနာရီမှာနော် ရုံးကနေ ကားမောင်းလာဒယ်..လမ်းမှာနော် ပူဒူး(Pudu) ရောက်တော့ ဘီးပေါက်ဒယ်..။ ဘီးဖြုတ်လဲနေတုန်းနော်မိုးအားကြီးရွာဒယ်.. လေးနာရီကျော်မှ ဘီးတပ်လို့ပြီးဒယ်..မာလကျင်နော်..ကားဆက်မောင်းလာဒယ်.. Leisure mall(ကျွန်တော်တို့နေတဲ့နားမှာရှိတဲ့ ကုန်တိုက်) ရောက်တော့ ရှေ့ဘီးနော် ထပ်ပေါက်ဒယ်...မာလကျင်နော်..ဘီးမရှိတော့ဘူးနော် ရုံးကိုဖုန်းဆက်ဒယ်နော်
ရုံးကကားနဲ့ ဘီးလာလဲပေးဒယ်နော်...အခုဘီးတပ်ပြီးလို့ မောင်းလာဒယ်နော်..မာလကျင်တကိုယ်လုံး ရေတွေအများကြီး စိုဒယ်နော်.. " { သူပြောတဲ့စကားကို ဘာသာပြန်ရတာ လူတောင် လျှာလိပ်ချင်လာဒယ် :P}

နောက်ထပ်သူဆက်ပြောတဲ့စကားတခွန်းကြောင့် ကျွန်တော့်စိတ်မှာ တမျိုးဖြစ်သွားတယ်။ သူပြောတာက သူမျက်စိမကောင်းတော့ဘူးထင်တယ်တဲ့။ ကားမောင်းလာရင်းနဲ့ ကားနောက်ကြည့်မှန်ကနေ ကြည့်တာ သူဆွဲလာတဲ့ကားမှာ
အရိပ်မည်းမည်းတွေ မြင်ရတယ်တဲ့။ မနက်ဖန် အလုပ်ပိတ်ရင်တော့ သူ့မျက်စိကို ဆရာဝန်နဲ့ပြဖို့ ဆေးခန်းသွားမယ်တဲ့။
ကျွန်တော်စိတ်ထဲထင်နေတာ မဟုတ်ပါစေနဲ့ပဲ ဆုတောင်းလိုက်မိတယ်။ ကျွန်တော်တို့လည်း ဝပ်ရှော့ပိတ်ချိန်နီးနေပြီဆိုတော့
ပစ္စည်းတွေ သိမ်းစရာရှိတာသိမ်းပြီး အဲ့ဒီဟွန်ဒါတိုက်ကားကို ဝပ်ရှော့ထဲသွင်းထားဖို့ လုပ်ရတော့တယ်။ မနက်ဖန်အလုပ်နားရက်ဆိုတော့ဒီညရော၊ နက်ဖန်ညပါ နှစ်ညတိတိ အပြင်မှာထားရင်တော့ အဲ့ဒီကားလည်း နဂိုက ဘာမှမရှိသလောက်ဖြစ်နေရတဲ့အထဲ သူခိုးလက်ချက်နဲ့ သံရည်ကျိုစက်ထဲရောက်သွားနိုင်တယ်ဗျ။ ကားစက်က နှိုးလို့လည်းရမှာ
မဟုတ်တော့ လူအင်အားနဲ့တွန်းပြီး အထဲသွင်းရအောင်လို့ ကျန်တဲ့လူတွေကိုလှမ်းခေါ်ဖို့ ကြည့်လိုက်မိချိန်မှာ ဟိုဖိုးခွားဆိုတဲ့ ချာတိတ်က ကားကိုကြည့်နေတဲ့အကြည့်က တမျိုးကြီးရယ်။ ဒီကောင်လေး ကားကို မမြင်ဘူးတာလည်း မဟုတ်ဘူး။
သူကြည့်နေတဲ့ပုံစံက မသင်္ကာစရာတခုခုတွေ့လို့ကြည့်နေသလိုလို၊ စိတ်ထဲမှာ မကျေနပ်မှုတခုခုရှိလို့ ကြည့်နေတဲ့ အကြည့်မျိုး။
ကားပျက်ကို အားလုံးဝိုင်းတွန်းပြီးတာနဲ့ ဝပ်ရှော့တံခါးတွေပိတ်၊ မီးတွေ ပိတ်ပြီး သေချာအောင်နောက်တခေါက်ထပ်စစ်ပြီးမှ ကျွန်တော်တို့နေတဲ့ အပေါ်ထပ်ကို ပြန်တက်လာကြတယ်။

   ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

                                                        အဲ့မှာ ...စတွေ့ကြတာ

          ကျွန်တော်တို့(၅) ယောက်နေတဲ့အထပ်ကိုရောက်တော့ စနေညတွေရဲ့ပြုမြဲတမ်းထုံးစံအတိုင်း ကိုယ့်ဂျူတီနဲ့ကိုယ် ဟင်းချက်တဲ့လူကချက်၊ အိမ်သန့်ရှင်းရေးလုပ်တဲ့လူက လုပ်နဲ့ဆိုတော့ ကားအကြောင်းကိုလည်း ခေါင်းထဲမထည့်ဖြစ်လိုက်ဘူး။
မေ့မေ့ပျောက်ပျောက်ဖြစ်သွားတယ်။ အဲ တအောင့်လောက်နေတော့ ကျွန်တော့်အစ်ကို ကိုဖြိုး အပြင်ကိုခဏသွားရဖို့ အကြောင်း
ပေါ်လာတယ်။ ဒီလိုစနေညတွေဆို ကဂျန်း(Kajang)၊ ပူချုန်း(Puchong) နဲ့ ဒမန်ဆာရာ (Damansara) မှာရှိတဲ့ ကျွန်တော်တို့ရဲ့
ဆွေမျိုးတွေ၊ အသိအကျွမ်းတွေ ကျွန်တော်တို့အိမ်မှာညလာအိပ်တတ်တယ်။ ယောက်ျားသားတွေပဲ လာလည်တာဆိုတော့လည်း
အသောက်အစားတော့ မပါပဲနေပါ့မလား။ အိမ်မှာကုန်နေတာကြောင့် စတိုးဆိုင်သွားပြီး ဝယ်ဖို့ သူ့ကို ဘကြီးက ခိုင်းလိုက်တာ။
ကျွန်တော့်အစ်ကိုအောက်ထပ်တံခါးသော့ယူဆင်းသွားပြီး ဘာမှမကြာဘူး ပြန်ရောက်လာတယ်။ ပြီးတော့ ဘကြီးကို " ဘကြီး ဝပ်ရှော့ထဲက ဧည့်သည်ထိုင်တဲ့အခန်းမီးပိတ်ဖို့မေ့ကျန်ခဲ့တာလား?? " ဆိုပြီး မေးနေတဲ့အသံကို ကြားလိုက်ရတယ်။
ကျွန်တော်တို့အလုပ်စဝင်ကတည်းက တံခါးတွေမီးတွေကို ဘကြီးပဲတာဝန်ယူပြီး အဖွင့်အပိတ်လုပ်လာတာ တခါမှ ဒါမျိုး မကြားခဲ့ရတော့ ကျွန်တော်လည်း နည်းနည်းတော့ အံ့သြမိတာအမှန်ပဲဗျ။

          ကျွန်တော့်အစ်ကိုပြောတာကို ဘကြီးက သိပ်ပြီးလက်ခံချင်ပုံမပေါ်ဘူး။ ကျွန်တော်လည်း သူတို့အချေအတင်ပြောနေကြတာကို နားထောင်သာ ထောင်နေရတယ်။ ဘကြီးအကြောင်းကိုလည်း ကျွန်တော်ကောင်းကောင်း
သိတယ်။ ဒီလူကြီးလောက် စေ့စပ်သေချာတဲ့လူ ကျွန်တော်တို့ အလုပ်မှာရှိနိုင်ပါဦးမလား။ သေချာစေ့စပ်ပြီး တိကျလွန်းလို့ သော့တွေ၊ ငွေတွေ အကုန်လုံးကို သူဌေးက သူ့ကိုပဲ အပ်ထားတာ။ ပြီးတော့ ဝပ်ရှော့ထဲကနေ အပေါ်ကိုတက်လာကြတုန်းက ဘကြီး လိုက်စစ်နေတာ ကျွန်တော့်မျက်စိနဲ့ တပ်အပ်မြင်တယ်ဗျာ။ ဘကြီးလည်း ဇဝေဇဝါဖြစ်ပြီး
ဝပ်ရှော့သော့တွဲကြီးသွားယူပြီး အောက်ထပ်ကိုပြန်ဆင်းသွားလေရဲ့။ သူပြန်တက်လာတော့ ကျွန်တော့်အစ်ကိုကိုခေါ်ပြီး " မောင်ဖြိုး ... ဧည့်သည်ခန်းက မီးရော၊ အဲယားကွန်းပါ ပွင့်နေတာကွ။ ဒီလောက်မိုးအေးနေတဲ့ကြားက ဘယ်သူက အဲယားကွန်းကို ဖွင့်ထားခဲ့တာလဲ မသိဘူးကွ "  ဆိုပြီး ပြောနေသံကြားတယ်။ ကျွန်တော်လည်း ဘာမှဝင်မပြောတော့ဘူး။
ကိုယ်လုပ်စရာရှိတာတွေပဲ ဆက်လုပ်နေလိုက်တယ်။ ခဏနေရင် ဧည့်သည်တွေကရောက်တော့မယ်။ သူတို့လာရင် အောက်ဆင်းပြီး တံခါးဖွင့်ပေးရမှာက ကျွန်တော့်အလုပ်။ ဒါနဲ့ ကျွန်တော်လည်း ရေမိုးချိုးပြီးတော့ အောက်ထပ်ကို
ဆင်းလာခဲ့တယ်။ အောက်ထပ်တံခါးနားရောက်ဖို့ လှေကားတဆစ်ချိုးအလိုရောက်တော့ ကျွန်တော့်ခြေလှမ်းတွေ တုံ့ခနဲ ဖြစ်သွားတယ်။ ကျွန်တော့်အနားကနေ တယောက်ယောက်ဖြတ်သွားသလိုမျိုး ကျွန်တော့်မျက်နှာကို လေလာဟပ်သွားတာဗျ။
တသက်နဲ့တကိုယ် တခါမှ အဲ့လိုမျိုး မဖြစ်ဖူးခဲ့ဘူး။ ကျွန်တော်တို့တွေ တခုခုများ ဖြစ်နေကြတာလားလို့တောင် စိတ်ထဲ
တွေးလိုက်မိသေးတယ်။ ကျွန်တော်အောက်ကို ဆက်ဆင်းလာပြီး အောက်ထပ်တံခါးဖွင့်ပြီး ဧည့်သည်တွေကို စောင့်နေတာပေါ့ဗျာ။
လှေခါးအတွင်းဘက်ကနေမစောင့်တော့ဘုး။ အပြင်ဖက်ထွက် မတ်တပ်ရပ်ပြီး ပလက်ဖောင်းပေါ်ကနေ စောင့်နေတာ။ ဝပ်ရှော့တံစက်မြိတ်လေးရှိနေလို့ မိုးတော့ မစိုပါဘူး။ ဒါပေမယ့် တနေကုန်ရွာထားတဲ့ မိုးကြောင့်ထင်ပါတယ်။ လူက ချမ်းစိမ့်စိမ့်နဲ့။
ညကျရင်တော့ ကစ်လို့ကောင်းပြီထင်ပါရဲ့ အဟီး။ ကျွန်တော်တွေးနေတုန်း ကျွန်တော့်ဘောင်းဘီအိပ်ထဲက လှုပ်စိလှုပ်စိဖြစ်လာလို့
လန့်သွားတာပဲ။ နောက်မှ ကျွန်တော့်တယ်လီဖုန်းက silent ဖြစ်နေလို့ တဖက်ကနေ ဖုန်းခေါ်တော့ vibration ဖြစ်နေတာ။
ကျွန်တော်တို့အိမ်ကို ညအိပ်လာလည်တဲ့ ဧည့်သည်တွေဆီကဖုန်းဆက်လာတာဗျ။ သူတို့ ကျွန်တော်တို့လမ်းထိပ်က ကားမှတ်တိုင်ရောက်နေပြီဆိုတာ လှမ်းအကြောင်းကြားတာ။ ကျွန်တော်လည်း သူတို့ကိုစောင့်နေရင်းနဲ့ နားထဲမှာ ကလေးငိုသံတခုကို ပီပီသသကြီး ကြားလိုက်ရတယ်။ ငိုတဲ့အသံကဗျာ ဘယ်လိုပြောရမလဲ။ ကျွန်တော်လည်း ကလေးအဖေ
မဖြစ်သေးတော့ တိတိကျကျတော့ ပြောမတတ်ဘူး။ ဒါပေမယ့် အတင်းကို ဖျစ်ညှစ်ပြီး ငိုနေသလိုအသံမျိုးဗျ။ လသားကလေးလေးတွေ ငိုနေတဲ့အသံမျိုး။

          ဘေးပတ်ဝန်းကျင်မှာလည်း လူမှမရှိတာ။ ဘယ်ကလေးက လာငိုမှာတုန်းဗျာ။ ဒါနဲ့ တယောက်ယောက်များ ကလေးတွေဘာတွေလာပစ်သွားသလားဆိုပြီး အသံလာရာကို လေ့လာကြည့်လိုက်တော့  အားပါးပါး.... အသံက ကျွန်တော်တို့
ဝပ်ရှော့ထဲကနေ ထွက်လာဗျ။ ဝပ်ရှော့ထဲမှာ ကလေးနဲ့တူတာဆိုလို့ အရုပ်တောင်မရှိတာကြီး။ ဒါပေမယ့် ကျွန်တော် ကြောက်စိတ်တော့ မဝင်မိသေးဘူး။ ကလေးငိုသံကို ဖုန်းထဲမှာ ringtone လုပ်ထားပြီး ဖုန်းမေ့ကျန်ခဲ့ချိန်မှာ ဖုန်းထလာတာမျိုးလည်း ဖြစ်နိုင်သေးတာပဲလို့ စိတ်ထဲတွေးလိုက်မိတယ်။ ကျွန်တော့်အစ်ကို ငဖြိုးက ခဏခဏ သူ့ဖုန်းတီးလုံးသံကို လက်ကမြင်းပြီးပြောင်းတတ်တဲ့ အကျင့်ရှိတယ်လေ။ ကျွန်တော်တွေးလို့မှ မဆုံးသေးဘူး ။ ကလေးတွေငိုရင် ချော့တဲ့
" ကျွတ်ကျွတ်...ကျွတ်ကျွတ်.. " ဆိုတဲ့ အသံပါ ဝပ်ရှော့ထဲကနေ ထပ်ကြားလိုက်ရတယ်။ စိတ်ထဲမှာ ဒါသမရိုးကျမဟုတ်လောက်တော့ဘူးလို့တော့ ကျွန်တော့်အတွေးထဲဝင်လာပြီ။ အဲ့ဒီအချိန်မှာ " ဟေ့ကောင် မောင်ဝေ "
 လို့ ကျွန်တော့်ကို ခေါ်လိုက်တဲ့ အသံကြားလိုက်ရတော့ လူပါ တုန်သွားတယ်ဗျာ အဟုတ်။ အမှန်ကတော့ ကျွန်တော်တို့အိမ်ကို
လာလည်တဲ့ လေးယောက် ခပ်လှမ်းလှမ်းကနေ လှမ်းခေါ်တာဗျ။ ဒီတော့မှပဲ သက်ပြင်းချလိုက်နိုင်တယ်။ ဟိုလေးယောက် ကျွန်တော်ရပ်နေတဲ့နား ရောက်လာတော့ တယောက်က ကျွန်တော့်ကို မေးတယ်။ " ဟေ့ကောင် မင်းနောက်မှာ ရပ်နေတဲ့
မလေးမက ဘယ်ကလဲ။ မင်း မလေးမတွေနဲ့ ဇယားသွားမရှုပ်နဲ့နော်...။ သောက်ပြဿနာ ကြီးကုန်မယ် " တဲ့။
ကျွန်တော်အောက်ဆင်းလာကတည်းက လူဆိုလို့ အနီးအနားမှာ တယောက်မှ မရှိပါဘူးဗျာ။ စိတ်ထဲကတော့ ကျွန်တော်သိနှင့်နေပြီ။ တခုခုတော့ မှားနေပြီဆိုတာကို။ ဟိုလူလေးယောက်လုံးကလည်း တကယ် အတည်ပေါက်နဲ့ ပြောနေတယ်ဗျာ။ ကျွန်တော့်ကို ဝိုင်းကြပ်နေတာ မဟုတ်ဘူး။ တခြားသုံးယောက်ကို မယုံချင်ပေမယ့် သူတို့လေးယောက်ထဲမှာ ကျွန်တော့်အစ်မယောက်ျား ကိုထက်ပိုင်ကိုတော့ ကျွန်တော်လုံးဝယုံတယ်။ ဒီလူက ဘယ်သူ့ကိုမှ
စတတ် နောက်တတ်တဲ့လူမဟုတ်ဘူး။ သူလည်း သူများကို မနောက်ပြောင်တတ်သလို သူ့ကို နောက်ရင်လည်း လုံးဝသည်းခံတဲ့ အစားမဟုတ်ဘူး။ ကျွန်တော်လည်း သူတို့စကားကို သံယောင်လိုက်ပြီး " သြော်... နောက်ဖက်စက်ရုံမှာ အလုပ်လုပ်တဲ့ မလေးမပါ။ မိုးရွာနေလို့ မိုးခိုနေတာ " လို့ လိမ်ပြောလိုက်ပြီး တံခါးဖွင့်ပြီး သူတို့လေးယောက်နဲ့အတူ အိမ်ပေါ်တက်လာခဲ့တော့တာပဲ။


@@@@@@@@@@@@@@@    ပွဲပျက်လေသော....ည  @@@@@@@@@@@@@@@@@
 
    ကျွန်တော်နဲ့ ဧည့်သည်လေးယောက် အိမ်ပေါ်ထပ်ကိုရောက်တဲ့အချိန်မှာ ကျွန်တော်တို့အိပ်ခန်းအပြင်မှာရှိတဲ့ ထမင်းစားပွဲမှာ အကုန်အဆင်သင့်ဖြစ်နေပြီ။ ပုလင်းကတော့ မပါလို့ရမလားဗျ။ ဘုန်းကြီးကျောင်းမှာ တရားလာနာကြတဲ့သူတွေမှ မဟုတ်ပဲ။ သိပ်တော့မများပါဘူးရယ်။ အိမ်ရှင်ဖြစ်သူ ကျွန်တော်တို့ဝယ်ထားနှင့်တဲ့ ပုလင်းက တစ်လုံး၊ ဧည့်သည်တွေ ယူလာကြတဲ့ ပုလင်းက နှစ်လုံး ပေါင်းသုံးလုံး။ ဒါတောင် ဘီယာပုလင်းတွေကို ထည့်မတွက်သေးဘူး။ အဲ.. ဝိုင်းကြမယ်ဆိုပြီး လူစုတော့
ဘကြီးက သူဒီနေ့ မသောက်တော့ဘူးဆိုပဲ။ ခါတိုင်း စနေညတွေဆိုရင် ဘကြီးဦးလှမင်းက အရက်ပြင်းကို မသောက်ပေမယ့်
အသက်ကြီးလာတော့ အညောင်းအညာပြေပြီး ဝမ်းပျော့အောင်ဆိုပြီး Guinness Stout ပုလင်းကြီး တလုံးတော့ ပုံမှန်မှီဝဲလေ့ရှိတယ်ဗျ။ ဒီနေ့မှ သူကလည်း ဘာစိတ်ကူးပေါက်ပြီး မသောက်တော့တယ်မသိဘူး။ ဘကြီးက အသက်အရမ်းမကြီးသေးပေမယ့် ဘုရားတရားအလုပ်ကိုတော့ ကျွန်တော်တို့လူငယ်တွေနဲ့ယှဉ်လိုက်ရင် အတော့်ကို ဖိဖိစီးစီး လုပ်တဲ့လူဗျ။ ဒီနေ့တောင်မှ မိုးမရွာရင် ချရပ်စ်၊ အလန်ဂျာရာ (Alam Jaya, Cheras) မှာ ရှိတဲ့ သူ့သားဆီ ညသွားအိပ်ပြီး
နက်ဖန်ကျရင် အဲ့မှာရှိတဲ့ ဗမာဘုန်းတော်ကြီးကျောင်း ညပိုင်းတရားပွဲမှာတရားနာဖို့ ဟိုမှာညအိပ်ပြီး တနင်္လာမနက်မှ ပြန်လာမှာ။ ဒီနေ့ကျမှ မိုးကလည်းတော်တော်နဲ့ မတိတ်လို့ သူလည်း အိမ်မှာပဲ ဘုရားရှိခိုး၊ ပုတီးစိပ်ပြီး အိပ်ယာစောစောဝင်သွားလေရဲ့။
ဟိုအကောင် ဖိုးခွားကတော့ သူကျွန်တော်တို့ဆီရောက်ကတည်းကစလို့ တခါမှ အရက်လည်းတိုက်လို့မရ၊ ဘီယာလည်း တိုက်မရတဲ့ကောင်မို့ သူ့ကိုကျွန်တော်တို့ ခေါ်လည်း မခေါ်ကြတော့ဘူး။ သူလည်း သူ့ဘာသူတယောက်တည်း ဂစ်တာထိုင်တီးနေတာလေ။ သူပြောဖူးတာတော့ သူအရက်သောက်လို့ မရဘူးတဲ့။
သူ့ကိုယ်မှာထိုးထားတဲ့ ဆေးတွေက သူအရက်သောက်မိရင်လူကို ဒုက္ခပြန်ပေးနိုင်တယ်ဆိုပဲဗျ။  ဘာဆေးတွေထိုးထားတာလဲတော့ ကျွန်တော်လည်း မမေးကြည့်မိဘူး။ ကျွန်တော်တို့ရဲ့ ပရော်ဖက်ဆာဒေါက်တာမသိဘူး မောင်ကံမကတော့ ကိုကြီးကျော်တို့နဲ့ နယ်ချင်းဆက်နေတဲ့ ပခုက္ကူနယ်သားမို့ထင်ပါ့။ လက်ကသွက်မှသွက်။ ကျန်တဲ့နေရာမှာသာ လေးတိလေးကန်နဲ့။ အရက်နဲ့ပတ်သက်လာရင်တော့ သွက်ချက်က လက်ကုန်။အဲ...သောက်ပြီးရင်လည်း ဘယ်တော့မှ သူ့အိပ်ယာသူပြန်အိပ်တတ်တဲ့ အကောင်မဟုတ်ဘူး။ အရက်ဝိုင်းဘေးနားမှာတင် ဒူးပေါ်ပေါင်ပေါ်၊ဟိုလန်ဒီလန်နဲ့ စက်တော်ခေါ်တဲ့ကောင်။
ခုလည်း ပထမဆုံးပုလင်းဖောက်တာနဲ့ သူ့လက်က အရင်ရောက်နှင့်နေပြီ။ကျွန်တော့်အစ်ကို ငဖြိုးလည်း ကံမနဲ့အပြိုင် နင်လားငါလား ကစ်နေတာ။ အဲ့ဒီညက မိုးလည်း အတော်အေးနေလို့ ထင်ပါတယ်။အရက်သောက်ရတာ အတော်မိုက်တယ်။ ဘကြီး ချက်ထားတဲ့ ဝက်သားကိုကြက်သွန်နီတွေနဲ့ အချိုချက်တဲ့ဟင်းရယ်၊ ချဉ်ပေါင်နဲ့ ငါးကို အရည်သောက်ချဉ်ဟင်းချက်ထားတဲ့ဟင်းရယ် ငါးပိရည်တို့စရာရယ်ကလည်း ရှိနေတော့ အရက်သောက်လို့ရေချိန်ကိုက်ကုန်တဲ့လူတွေလည်း ထမင်းစားတဲ့လူက စားပြီးကုန်ပြီ။

          ည(၈)နာရီကတည်းက စလိုက်ကြတဲ့ ကျွန်တော်တို့ရဲ့ အရက်ဝိုင်းက ည(၁)နာရီခွဲလောက်ထိ အရှိန်မသတ်နိုင်သေးဘူး။
ခါတိုင်းမိုးမရွာတဲ့ စနေညတွေဆိုရင် ကျွန်တော်တို့ တိုက်ခန်းတွဲရဲ့မျက်နှားချင်ဆိုင်မှာ တရုတ်စားသောက်ဆိုင်တန်းကြီးက
ည(အဲလေ) မနက်သုံးနာရီဝန်းကျင်မှ လူကုန်ဆိုင်ပိတ် အိမ်ပြန်ကြတာ။ နောက်နေ့ဆန်းဒေးမှာ အလုပ်ပိတ်တော့ နားနားနေနေ ဘောလုံးပွဲကြည့်ရင်း၊ ဘီယာသောက်၊ စကားပြောတဲ့လူတွေနဲ့ဆိုတော့ ကားတဝီဝီ၊ လူတစီစီရယ်။
အဲ့ဆိုင်ကလည်း ဒီနေ့ကျမှ မိုးကဆက်တိုက်ရွာနေတော့ စောစောသိမ်းသွားတယ်။ ကျွန်တော်တို့လမ်းမှာက အဲ့ဒီဆိုင်ကြီး
ရှိနေလို့ လူသွားလူလာရှိတာ။ အဲ့ဆိုင်ပိတ်တဲ့နေ့ဆိုရင် နေ့ခင်းပိုင်းတောင် လူသွားလူလာ၊ ကားသွားကားလာ သိပ်မရှိချင်ဘူးဗျ။


         ကျွန်တော်လည်း အရက်လေး တပက်နှစ်ပက်ဝင်လာတော့ ညဦးပိုင်းမှာ ကြုံထားတာတွေကို မေ့မေ့ပျောက်ပျောက်ဖြစ်သွားတယ်။ အချိန်ကလည်း နှစ်ချက်တီးကျော်ပြီ။ အရက်ဝိုင်းမှာ ရှေးဟောင်းနှောင်းဖြစ်တွေပြော၊ သူ့အလုပ်
ကိုယ့်အလုပ်အကြောင်းတွေ၊ မြန်မာပြည်အကြောင်းတွေ ဝေဖန်လေကန်လို့ အားရတော့ လူတွေက တီဗွီဘက်ကို
အာရုံပြန်လှည့်ကြတယ်။ TV-3 လိုင်းမှာလာနေတဲ့ ဂျက်ကီချန်းကားကလည်း အတော်ကောင်းနေတာကိုး။
ဇာတ်လမ်းနာမည်တော့ မမှတ်မိတော့ဘူး။ ဟိုလေဗျာ ဂျက်ကီချန်း ဟောင်ကောင်မှာ ကားဝပ်ရှော့ဖွင့်ရင်းနဲ့
ပြိုင်ကားမောင်းတဲ့ ဖိုက်တင်ကားဗျ။ ဇာတ်လမ်းထဲမျောနေရင်းနဲ့ ဂျက်ကီချန်းနေတဲ့ ကွန်တိန်နာကြီးကို လူဆိုးတွေကရိန်းနဲ့
ဆွဲမြှောက်တဲ့ အခန်းရောက်တဲ့အချိန်မှာ ကျွန်တော့်ယောက်ဖကိုထက်ပိုင်က အခန်းတံခါးဝကို မကြာမကြာ လှမ်းလှမ်းပြီး
ကြည့်နေတာကို ကျွန်တော်သတိထားမိလိုက်တယ်။ ဟိုကောင်ဖိုးခွားလည်း ရုတ်တရက် သူထိုင်နေတဲ့နေရာကနေ
ထလာပြီး " တောက် " ဆိုပြီး တက်ခေါက်လိုက်တယ်။ တော်တော်အသံကျယ်တယ်ဗျ။
ကျွန်တော့်စိတ်ထဲမှာတော့ ကိုထက်ပိုင်နဲ့ ဖိုးခွား တခုခု ငြိကြတော့မလားဆိုပြီး ထင်မိတာ။ ဒါပေမယ့်ဗျာ သူ့အကန့်နဲ့ ကိုထက်ပိုင်အကန့်နဲ့က တလိုင်းစီ ။ ဘာမှ ဆိုင်တာမှမဟုတ်ပဲ။ ကျွန်တော်အူလည်လည်ဖြစ်နေတုန်း ကိုထက်ပိုင်က ကျွန်တော့်ကို
" မောင်ဝေ...မင်းတို့အလုပ်ထဲမှာ တခြားဘယ်သူနေသေးလဲ ??? " လို့ မေးရော။ ကျွန်တော်လည်း နည်းနည်းတော့
သဘောပေါက်သွားပြီ။ ပြဿနာတော့ လာပြန်ပြီဟ လို့ပဲ စိတ်ထဲတွေးလိုက်မိတယ်။ ကိုထက်ပိုင်အမေးကို ကျွန်တော်ချက်ချင်း
ပြန်မဖြေပဲနဲ့ " ဘာလို့လဲ အစ်ကို " ဆိုပြီး သူ့ကိုပြန်မေးတော့ ....  " ငါပဲမူးနေလို့လား မသိပါဘူးကွာ။ မင်းတို့ အရှေ့မှန်တံခါးမှာ ရပ်ပြီး ငါတို့ဘက်ကို လူတယောက်ခဏခဏ လာကြည့်နေတယ်ဟ " လို့ ပြန်ဖြေရော။
သူ့စကားကြားမှ ကျွန်တော့်မှာ မူးနေတဲ့အရှိန်လေး ဘယ်ပျောက်လို့ ဘယ်ရောက်သွားမှန်းကို မသိတော့ဘူး။
ကျွန်တော့်အကို ငဖြိုးကလည်း မပြောမဆိုနဲ့ တီဗွီရီမုကိုကောက်ကိုင်ပြီး တီဗွီအသံကို တိုးလိုက်တယ်။ ပြီးတော့ သူ့လက်ညှိုးကို ပါးစပ်ရှေ့မှာထောင်ပြပြီး တိုးတိုးနေဆိုတဲ့ သင်္ကေတလုပ်ပြတယ်။ အဲ့ဒါကို ကိုထက်ပိုင်နဲ့တူတူ အလုပ်လုပ်တဲ့ ကျော်လင်းဟန်ဆိုတဲ့
ငနဲက ဘာထင်တယ်မသိပါဘူး။ လျှာလေးအာလေးနဲ့ အကိုဖြိုး ရှူရှူပေါက်ချင်နေရင်လည်း သွားပေါက်လေ။
ခွင့်တောင်းစရာမလိုပါဘူး .ဆိုပြီး နောက်ရော။ အဲ့ကောင်အကျင့်က မူးလာရင် ဟိုလူ့ကိုစ ဒီလူ့ကိုစ အရမ်းဝါသနာပါတာ။
ငဖြိုးက ကျော်လင်းဟန်ကို " ဟေ့ကောင် တိတ်တိတ်နေ။ မင်းအသံမကြားဘူးလား။ သေချာနားထောင်ကြည့် " ဆိုပြီးပြောတော့မှ ကျွန်တော်တို့ တဝိုင်းလုံး ဘာသံမှ မထွက်လာတော့ပဲ တိတ်သွားတော့တယ်။

           ငဖြိုးတယောက်တည်း မူးနေလို့ကြားတယ်ဆိုလည်း ထားတော့။ ခုက အကုန်လုံးကြားတယ်ဆိုတော့ အကုန်လုံးမူးနေလို့လား။ ဒါလည်း မဟုတ်သေးပါဘူး။ ဟိုကောင်ဖိုးခွားက မသောက်မှ မသောက်ထားတာ။
ဒါပေမယ့် အဲ့ဒီခြေသံကို သူလည်းကြားတယ်တဲ့။ ကျွန်တော်လည်း ကြားတယ်။ ကိုထက်ပိုင်လည်း ကြားတယ်။
ကျန်တဲ့လူတွေလည်း အကုန်ကြားတယ်။ မကြားတာဆိုလို့ ကံမတယောက်တည်း ရှိမှာ။ သူက အရက်ဝိုင်းမှာ
မှောက်နေပြီလေ။ ခြေသံက ကျွန်တော်တို့တိုက်အောက်ထပ် လှေခါးကနေ အပေါ်ကို တလှမ်းချင်းလာနေတဲ့ အသံ။
တဒေါက်ဒေါက်နဲ့ ကြားနေရတဲ့အသံက ရေကျသံမဟုတ်ဘူးဆိုတာကိုတော့ ကျွန်တော်ကျိန်ပြောရဲတယ်။
ကျွန်တော်တို့ကြားနေရတဲ့အသံက တဖြည်းဖြည်းနဲ့ ပိုနီးလာသလိုမျိုး ပီပီသသကြားလာရတယ်။
အသံက ကျွန်တော်တို့ အခန်းတံခါးဝမှာ ပျောက်သွားတယ်ဗျ။ လူက ညနေကတည်းက စိတ်ကစနိုးစနောင့်ဖြစ်နေရတဲ့ကြားထဲ
ခုလို မူးနေတဲ့အချိန်မှာ အာရုံလာနောက်နေတော့ အတော်လေး ကြောက်စိတ်တွေပျောက်ပြီး ဒေါသစိတ်ဖက်ကို
ရောက်လာပြီ။ ပြီးတော့ ကိုယ်တယောက်တည်းမဟုတ်ပဲ အဖော်အပေါင်းနဲ့ဆိုတော့ ပိုဆိုးတယ်။ ကျွန်တော်တို့လူစုရဲ့
မျက်လုံးအကြည့်တွေက တံခါးမှာပဲ ရောက်နေကြတာ။ သရဲဆိုလည်း ဟုတ်သော်ရှိမဟုတ်သော်ရှိ ဝိုင်းဗျင်းမှာ။
သရဲမဟုတ်ပဲ သူခိုးဆိုရင်တော့ ပိုဆိုးပြီသာမှတ်။ လူကတော်တော်တင်းလာပြီ။ သောက်ကောင်းခြင်းမသောက်ရ။
တော်ကီပစ်ကောင်းခြင်း မပစ်ရနဲ့ တော်တော်အလုပ်လာရှုပ်နေတာ။ အခန်းတံခါးက သစ်သားမှာ မှန်တပ်ထားတဲ့ တံခါးဗျ။
တံခါးရှေ့မှာလည်း သံပန်းတံခါး တထပ်ခံထားသေးတယ်။ လှေကားမှာ မီးထွန်းထားတော့ လှေကားမီးရောင်ကြောင့်
တံခါးနားတယောက်ယောက်ရှိနေရင် အရိပ်ထင်နေမှာတော့ သေချာပေါက်ပေါ့။ ကျွန်တော်တို့ တံခါးဆီအာရုံစိုက်နေတုန်းမှာပဲ
မှန်တံခါးမှာ မိန်းမအရိပ်တခုတွေ့လိုက်ရတယ်။ ကျွန်တော်တို့လူအုပ်ထဲကနေ အရင်ဆုံး ဝုန်းကနဲထပြီး နံရံမှာထောင်ထားတဲ့
တံမြက်စည်းကို ပြေးယူတာက ဖိုးခွား။ သူ့နောက်ကကပ်လျက် ပြေးလိုက်သွားတာက ကျွန်တော့်အစ်ကို၊ ကျွန်တော့်အကိုနောက်ကနေ ကိုထက်ပိုင်နဲ့ ကျော်လင်းဟန်ကတတွဲ၊ ပြီးတော့မှ နောက်ထပ် ဦးလှမင်းရဲ့ အမျိုး ညီညီ၊ အဲ့ဒီနောက်ကမှ ကျွန်တော်။ ကျွန်တော်က နောက်ဆုံးပိတ် အဟီး။ ထွက်ပြေးတာမဟုတ်ဘူးနော်။ အဲ့ဒီအရိပ်မြင်လိုက်ရတဲ့ တံခါးကိုဖွင့်ပြီး လှေကားအတိုင်း အောက်ထပ်ကို ဆင်းလိုက်ကြတာ။ကံမနဲ့ နောက်တကောင်ကတော့ အရက်တန်ခိုးနဲ့ လောကကြီးကို ဥပေက္ခာပြုနေလိုက်တာ နောက်နေ့မနက်လင်းမှ ကျွန်တော်တို့တွေ ဘာဖြစ်မှန်းသိကြတယ်။
လူတွေတအုပ်တမကြီးနဲ့ ဘာမှန်းညာမှန်းကွဲကွဲပြားပြားမသိတာကြီးတခုနောက်ကို ပြုံလိုက်ရတာ ကျွန်တော့်စိတ်ထဲမှာ
နည်းနည်းတောင် ပျော်လာသလိုလိုပဲ။ ပျော်ချင်လာတဲ့ အပျော်လေးတွေက ခဏနေတော့ ပျောက်သွားပါလေရော။
ဘာကြောင့်လို့ထင်လဲ။ ကျွန်တော်တို့လူစု လှေကားကဆင်းလာကြတာ အောက်ထပ်တံခါးနားကိုရောက်ဖို့ လှေကားနှစ်ဆစ်ချိုး
ကျန်နေသေးတယ်။ ပထမတဆစ်ချိုး ကွေ့နေရာမှာဝပ်ရှော့ထဲကိုဆင်းတဲ့တံခါးပေါက်ရှိတယ်။ သစ်သားတံခါးနော်။
အလုပ်ဆင်းအလုပ်ပြန်ချိန်ကလွဲလို့ တခြားဘယ်အချိန်ဖြစ်ဖြစ် အမြဲတမ်း lock ချပြီးပိတ်ထားတဲ့တံခါး။ မလေးစကားနဲ့ baju kurung လို့ခေါ်တဲ့ မလေးရိုးရာအမျိုးသမီးဝတ်စုံဝတ်ထားတဲ့ အမျိုးသမီးတယောက် အဲ့ဒီတံခါးထဲကို တိုးဝင်သွားတယ်။
ကျွန်တော်တယောက်တည်း မြင်တာမဟုတ်ဘူး။ ကျွန်တော်ရှေ့ကနေ အရင်ဆင်းလာတဲ့ လေးယောက်လည်း မြင်တယ်။
အကုန်လုံး ကြောင်တောင်တောင်မျက်နှာပေးတွေနဲ့ တံခါးကို ငေးကြည့်နေကြတာ။

     ငေါင်တောင်တောင်နဲ့ တံခါးကိုရပ်ကြည့်နေတာ တော်တော်လေးကြာသွားမှ ရှေ့ဆုံးမှာရောက်နေတဲ့ ဖိုးခွားက ကျွန်တော့်အစ်ကိုကို "ယောက်ဖ...ငါ...သော့သွားယူမယ်။ အောက်ထပ်ဆင်းကြည့်မယ်ကွ " ဆိုပြီး ပြောရော။
သူ့စကားလည်းဆုံးရော ကျွန်တော့်နောက်ကနေ " ငါ ဒီမှာယူလာပြီ " ဆိုတဲ့ အသံကြီး ကြားလိုက်ရတာ လန့်သွားတာပဲဗျာ။
ကပျာကယာနောက်လှည့်ကြည့်တော့မှ ဘကြီးဦးလှမင်း ဘယ်အချိန်တုန်းကတည်းက ရောက်နေမှန်းတောင် မသိပါဘူး။
အသံမပေး ဘာမပေးနဲ့ဗျာ။ " မင်းတို့ကောင်တွေ ဝုန်းဒိုင်းကြဲပြီးအောက်ဆင်းသွားကြလို့ ဘာဖြစ်တာလဲဆိုပြီး ငါလိုက်လာတာ " တဲ့။ ပြီးတော့ ဆက်ပြောသေးတယ်။ လူငယ်တွေမို့လို့ အလုပ်နားချိန်မှာ အရက်သောက်တာကို ငါဘာမှ
မပြောဘူး။ အခုလို ဆူဆူညံညံတော့ မလုပ်ကြနဲ့။ ကိုယ့်တိုင်းကိုယ့်ပြည်မဟုတ်ဘူး တဲ့။ ကျွန်တော့်အကိုက ဝင်ပြောပါလေရော... ဘကြီး ကျွန်တော်တို့ သောက်တာတော့ ဟုတ်တယ်။ ဒီမှာ ဖိုးခွား တခွက်မပြောနဲ့ ။ တစက်တောင်မှ အရက်မသောက်တဲ့ကောင်။ ဘာတွေဖြစ်နေတယ်ဆိုတာ သူ့ကိုမေးကြည့် ဆိုပြီးတော့။
ဒီတော့မှ တေမိဖိုးခွားက ဘကြီး .. အပေါ်မှာ ငါတို့ရှိနေတုန်း ကောင်မတကောင်ငါတို့နားကို လာကြည့်တယ်။
ညနေတုန်းက ဆွဲလာတဲ့ ကားနဲ့ လိုက်လာတဲ့ ကောင်မလေ ဆိုပြီး လှမ်းပြောတော့တာပဲ။ ဘကြီးလည်း သူပြောတော့မှ
အတော်လေးနားရှုပ်သွားတယ်ထင်ပါတယ်။ ဟမ် ... ဘယ်ကကောင်မကို မင်းတို့ ခေါ်လာကြတာလဲ။ ဟေ့ကောင်တွေ
မင်းတို့ ငယ်ငယ်ရွယ်ရွယ်နဲ့ အေကိုက်သေကုန်မယ်နော် တဲ့။ သူပြောမှပဲ လူက သေချင်စိတ်ပေါက်လာတယ်။
ဖိုးခွားပြောတာကို ဘကြီးနားမရှင်းတော့ ကျွန်တော်တို့တွေ အရက်သောက်ပြီးတော့ ပေါက်ကရလုပ်ရအောင်လို့ မကောင်းတာလုပ်စားတဲ့ ဟိုကောင်မလေးအိမ်ပေါ်ခေါ်ထားတယ် ထင်သွားတာနေမှာပေါ့။ ဒီတော့မှ ဖိုးခွားကဆက်ပြောတယ်။
ဘကြီး ငါတို့--ာသည်မလည်း မခေါ်ဘူး။ အခုရောက်လာတာလည်း လူမဟုတ်ဘူး ဆိုတော့မှ ဘကြီးက မင်းတို့ မျက်စိမှားတာလည်း ဖြစ်ချင်ဖြစ်မှာပေါ့။ ဒီမှာငါတို့နေလာတာ နှစ်နဲ့ချီနေပြီ။ ဘာဖြစ်ဘူးလို့လဲ။ ဘာတွေ့ဘူးကြလို့လဲ  ဆိုပြီး ပြန်ပြောတယ်ဗျ။ သူပြောတာလည်း မမှားတော့မမှားပါဘူး။ ကျွန်တော်တို့ ဒီတိုက်မှာနေတာ သုံးနှစ်တောင်ကျော်ခဲ့ပြီ။
ဘယ်တုန်းကမှ အဲ့လိုကိစ္စမျိုးဖြစ်ခဲ့တာမှ မဟုတ်ပဲ။ ဒီတော့မှ ဖိုးခွားလည်း အသေအချာဝင်ပြောတော့တယ်။

         ဘကြီး ငါလည်း နင့်ကိုညာမပြောဘူး။ ကိုဖြိုးတွေ့တယ်ပြောလည်း ငါယုံချင်မှ ယုံမယ်။
ဘကြီးတွေ့တယ်ပြောလည်း ငါယုံချင်မှ ယုံမယ်။ ငါ့မျက်စိနဲ့တွေ့မှ ငါသေချာယုံတယ်။ ငါထိုးထားတဲ့ဆေးမှာ
သရဲရှိရင် မြင်ရတဲ့ဆေးရှိတယ်။ ငါ ငယ်ငယ်တုန်းက မယ်ပ(ယိုးဒယားနိုင်ငံနဲ့ မြန်မာနယ်စပ်နားက မြို့လေး၊ မဲဆောက်နဲ့ နီးတယ်)မှာ ငါတို့ ဖထီး ထိုးပေးခဲ့တဲ့ဆေး..။ ညနေဟိုကားစုတ် လာပို့ကတည်းက ကားပေါ်မှာ ကလေးတယောက်ရယ်၊ ကောင်မတယောက်ရယ်၊ အဖိုးကြီးတယောက်ရယ် ပါလာတာ ငါမြင်နေရတယ်။
ငါပြောတာ နင်မယုံရင် ဝပ်ရှော့ထဲဆင်းကြည့်ကြမယ် ... ဆိုပြီး ပြောရောဗျို့။ ဘကြီးကလည်း " အေး ဟုတ်ရင်ဟုတ်ပေါ့ကွာ မဟုတ်ရင်တော့ မင်းတို့ကို နက်ဖန် ငါထမင်းမချက်ကျွေးပဲ အငတ်ထားမှာနော် " ဆိုပြီး ဖြဲခြောက်တယ်။ အိမ်မှာ သူက အိုးသူကြီးဆိုတော့ သူချက်ကျွေးတာကိုပဲ ကျွန်တော်တို့စားတတ်တာ။ ကိုယ့်ဘာသာကိုယ်ဆိုရင် ကြက်ဥတောင် တည့်တည့်မပြုတ်တတ်ဘူး။ ကျွန်တော့်အစ်ကိုကလည်း ဘကြီး သော့ပေး၊ ကျွန်တော်တို့ ဆင်းကြည့်မယ် ဆိုပြီး ဘကြီးလက်ထဲက သော့တွဲကြီး သွားယူ တံခါးဖွင့်ပြီး ဝပ်ရှော့ထဲဆင်းလာကြရော။

         ဒီလိုနဲ့ ကျွန်တော်တို့လူတသိုက်ဝပ်ရှော့ထဲရောက်လာရောဆိုပါတော့။ ဝပ်ရှော့ထဲမှာတော့ ခါတိုင်း ညလုံးပေါက် ထွန်းထားနေကျ နှစ်ပေမီးချောင်းတချောင်းရဲ့ အလင်းရောင်ကြောင့် အရမ်းတော့ မမှောင်နေပါဘူး။ ဝပ်ရှော့ထဲက နေရာတိုင်းနီးပါး
ကို ကောင်းကောင်းမြင်နေရတယ်။ ဝပ်ရှော့ထဲမှာ ဘာခြေရာလက်ရာမှပျက်နေတာမရှိပဲ ညနေ ကျွန်တော်တို့ ကားသွင်းပြီး
အပေါ်ပြန်တက်လာတုန်းက အတိုင်းပဲ။ ဟိုကြည့်ဒီကြည့်လိုက်ကြည့်နေရင်းကြတုန်းမှာ ဘကြီးက မင်းတို့ကောင်တွေကွာ
လူကြီးကို အိပ်ပျက်အောင် တော်တော်လုပ်တာပဲ....သောက်စရာရှိရင် အေးဆေးသောက်။ မူးလာရင်လည်း
ကိုယ့်ဘာသာအေးဆေးနေကြ။ ဘယ်မလဲ မင်းတို့ပြောတဲ့ သရဲထီး၊ သရဲမ ဆိုပြီး ကျွန်တော်တို့ကို စိတ်မကြည်တဲ့ လေသံနဲ့ ပြောရော။ သူပြောလို့တောင်မဆုံးသေးဘူး။ ဟွန်ဒါကားစုတ်နားမှာရှိတဲ့ ကျွန်တော်တို့ အလုပ်အားရင်
ထိုင်နေကျ ပလတ်စတစ်ခုံက ဂလောက် ဆိုတဲ့ အသံနဲ့ ကြမ်းပေါ်ကို လဲကျရော။ ကျွန်တော်ကတော့ အခြေအနေမဟန်တော့ဘူးဆိုတာ စိတ်ထဲမှာ သိနှင့်နေပြီ။ ရှေ့ကိုဆက်တိုးမယ့်အစား ကျွန်တော့်ခြေထောက်တွေက မသိမသာနဲ့
အပေါ်ထပ်ကိုပြန်တက်မယ့် တံခါးနားကို သွားထားနှင့်လိုက်တယ်။ တယောက်တည်းလည်း အပေါ်ထပ်ကို ပြန်မတက်သွားရဲတော့ဘူး။ ကိုယ်တယောက်တည်း ပြန်တက်သွားကာမှ လမ်းမှာတည့်တည့်တိုးနေရင် ကျွန်တော်ပါရောပြီး
သရဲဘဝရောက်သွားနိုင်တယ်။ ထိုင်ခုံလဲကျတာကိုလည်းမြင်ရော ဘကြီးဦးလှမင်းကို ဖိုးခွားက ဘယ်လိုလဲဆိုတဲ့ ပုံစံမျိုးနဲ့
လှမ်းကြည့်တော့ ဘကြီးက ကြွက်တိုးလို့ ထိုင်ခုံလဲကျတာ ဖြစ်မှာပေါ့ကွာ၊ ယောက်ျားတွေဖြစ်နေပြီး မင်းတို့ကလည်း
တောတွေးတောင်တွေးတွေ လျှောက်တွေးနေကြတယ် ဆိုပြီး ထပ်ပြောရော။ ကျောမှီပလပ်စတစ်ခုံတခုလုံးလဲအောင်
တိုက်ချသွားနိုင်တဲ့ ကြွက်သာရှိရင် ဂရင်းနစ်မှတ်တမ်းတောင် ဝင်ကုန်မှာပေါ့။ ဘကြီး ကျွန်တော်တို့တွေ ကြောက်မှာစိုးလို့ ပြောတယ်ဆိုတာတော့  ကျွန်တော်နားလည်ပါတယ်။ ဒါပေမယ့် ယုတ္တိမတန်တဲ့ စကားကိုတော့
ကျွန်တော်လည်း ဘယ်လက်ခံချင်ပါ့မလဲ။ ဘကြီးက ဆက်ပြီးတော့ လာပါကွာ ပြန်အိပ်ကြမယ်။ အချိန်လည်း အတော်လင့်နေပြီ။ မနက်ကို ငါလည်း ငါ့သားဆီသွားရဦးမယ်။ ဘာမှအရေးမဟုတ်တာကို အရေးစိုက်မနေကြနဲ့။
အိပ်ရေးပျက်တယ်ကွ လို့ ပြောပြီး ထပ်ပြောတယ်။ ကျွန်တော်တို့လူငယ်တွေအကုန်လုံး လက်ဆုပ်လက်ကိုင် မပြနိုင်သည့်တိုင်အောင် မျက်မြင်ကိုယ်တွေ့ ကြုံထားကြပြီးသားဆိုတော့ ဘကြီးစကားကိုသိပ်တော့ဘဝင်မကျတာ အမှန်ပဲ။
ဒါပေမယ့် သူ့ကိုလည်း လွန်ဆန်လို့ကမရပြန်ဘူး။ သူက ကျွန်တော်တို့အားလုံးထဲမှာ အသက်အကြီးဆုံးကလည်းဖြစ်နေပြန်၊
ကျွန်တော်တို့အလုပ်မှာလည်း အုပ်ချုပ်သူဖြစ်နေပြန်တော့ သူ့စကားကို နားထောင်ရုံကလွဲလို့ ဘာတတ်နိုင်ဦးမှာလဲ။
အားလုံးသူ့စကားအတိုင်း ပြန်တက်ဖို့ပဲ စဉ်းစားရတော့တာပဲ။ ပြန်တက်ခါနီးကျမှ ညီညီက ခဏလေးစောင့်ကြဦးဗျာ၊
ကျွန်တော်အပေါ့သွားချင်လို့ အိမ်သာခဏဝင်လိုက်ဦးမယ်..ဟေ့လူတွေ မတက်သွားကြနဲ့ဦးနော် တဲ့။
ငဖြိုးလည်း စိတ်မကြည်လို့ထင်ပါတယ်။ ခါတိုင်း ညီညီနဲ့ဆို အမြဲလိုလို စကားပြောအဆင်ချောပေမယ့် ခုကျမှ
ေ--ာက်ရေးထဲမှ မင်းကတမျိုးကွာ မြန်မြန်လုပ် ဆိုပြီး ခပ်ငေါက်ငေါက် လှမ်းပြောတယ်။ ညီညီခမျာလည်း
အေးပါဟ ဆိုပြီး ကပျာကယာ အိမ်သာထဲဝင်ပြေးသွားရော။ သူ့ကိုစောင့်နေကြရင်းနဲ့ ဟိုဟိုဒီဒီကိုလည်း မျက်လုံးက အငြိမ်မနေပဲ
လိုက်ကြည့်နေရသေးတယ်။ တနေရာရာကနေ ပုံဆိုးပန်းဆိုးကြီးနဲ့များထွက်ချလာလေမလားလို့ စိတ်ထဲတွေးပြီး
ပြေးပေါက်ကြိုရှာထားတာ။ ခဏနေတော့ အိမ်သာထဲက ရေလောင်းသံကြားရပြီး ဟိုကောင်ပြန်ထွက်လာတယ်။
အပြင်က ဘေစင်မှာ လက်ဆေးနေရင်းက ကျွန်တော်တို့ဘက်ကိုလှမ်းကြည့်ပြီး အပေါ်ရောက်ရင် လက်ကျန်လေး ဖြတ်လိုက်ကြရအောင်ဗျာ.. နော်.. လို့ လှမ်းပြောသေးတယ်။ ပြောနေရင်းနဲ့ ဘေစင်က ရေဘုံဘိုင်ခေါင်းကို လှည့်ပိတ်ရင်းနဲ့ အဲ့ကောင် မှန်ထဲကိုလည်း ကြည့်ပြီးရော " အမေကြီးရေ... " ဆိုပြီး အသံဗြဲကြီးနဲ့ အော်ပြီး ပြေးထွက်လာတာ။
ကျွန်တော်တို့ သူ့ကို ဘာဖြစ်တာလည်းတောင် မေးချိန်မရလိုက်ပါဘူး။ လမ်းမှာ ကန့်လန့်ခံနေတဲ့ လူတွေကိုလည်း
မရှောင်တော့ပဲ ဖြတ်တိုက်ချပြီး ကျွန်တော်တို့ လာခဲ့တဲ့လမ်းအတိုင်း အပေါ်ကို တန်းနေအောင်ထွက်ပြေးရော။
သူတိုက်ချခဲ့လို့ အင်ဂျင်ဝိုင်အဟောင်းတွေထည့်ထားတဲ့ ပလတ်စတစ်ခွက်လည်း မှောက်ကျ၊ ကြမ်းပေါ်ချထားတဲ့ တူးဘောက်
(Tool Box) တွေလည်း ဖရိုဖရဲတွေဖြစ်ကုန်ရော။ နဂိုကမှ လူကကြောက်ချင်ချင်ဖြစ်ရတဲ့အထဲ သူက အဲ့လိုကြီး
တက်ပြေးတော့ ကျန်တဲ့လူတွေလည်း သူ့နောက်ကို ပြေးလိုက်ကြတော့တာပဲ။ သူဘာဖြစ်တာလည်းကိုလည်း သိချင်။
ဝပ်ရှော့ထဲမှာလည်း ဘယ်သူဆက်နေရဲဦးမှာလဲဗျာ။

       ကျွန်တော်တို့အားလုံးအပေါ်ပြန်ရောက်တော့ ဟိုကောင် ညီညီ ကြောင်စီစီနဲ့ အခန်းထဲက ဘကြီးကုတင်ပေါ်မှာ ငုတ်တုတ်လေးရယ်။ ဘာဖြစ်တာလဲ မေးတော့ ချက်ချင်း ပြန်မပြောနိုင်သေးဘူး။ ရေ.. ရေ ဆိုပြီး ပြောနေလို့
ဘကြီးဦးလှမင်း ဘုရားကျောင်းဆောင်ပေါ်က ပရိတ်ရေပုလင်းကို သွားယူပြီး သူ့ကိုတိုက်လိုက်တော့မှ တငုံနှစ်ငုံလောက် တဂွပ်ဂွပ်နဲ့ သောက်ချလိုက်ပြီး ဟင်း ဆိုပြီး
သက်ပြင်းချတယ်။ ပြီးတော့ ဟိုကြည့်ဒီကြည့် လျှောက်ကြည့်လိုက်သေးတယ်။ ပြီးမှ အထစ်ထစ်အငေါ့ငေါ့နဲ့
ကျ..ကျနော် စကားလှမ်းပြောရင်း .....ဘေစင်ကမှန်... မှန်.. မှန်ကိုကြည့်လိုက်မိတာ...မှန်ထဲမှာ မှန်ထဲမှာ
ဆိုပြီး စကားရပ်သွားတယ်။ စိတ်မရှည်တတ်တဲ့ ကျွန်တော့်အစ်ကိုက  မှန်ထဲမှာ မင်းညီမ မိလဲ့ ကိုယ်တုံးလုံးကြီးနဲ့ lotion လိမ်းနေလို့လား  လို့ မေးရော။ခါတိုင်းအချိန် အဲ့လိုသွားပြောမိရင် ရန်ပွဲဖြစ်မှာ ကျိန်းသေပေါက်ပဲ။ ညီညီက သူ့နှမကိုထိရင် နည်းနည်းလေးတောင် သည်းခံတတ်တဲ့အစားမဟုတ်ဘူး။ ခုတော့ စိတ်ဆိုးဖို့ နေနေသာသာ။ မ..မဟုတ်ဘူး ကိုဖြိုး ။ မှန် .. မှန်ထဲမှာ ကျွန်တော့်နောက်မှာ ကျွန်တော့်ကို ကျောပေးပြီး မလေးး မလေး မ တယောက် ရပ်နေတာ...။ ညနေ
ကျွန်တော်တို့ လာတုန်းက အောက်မှာ ကိုဝေနဲ့ အတူတူတွေ့ခဲ့တဲ့ ကောင်မ... ဆိုပြီး ဆက်ပြောတယ်။ ပြီးလည်းပြီးရော
ကျွန်တော်ဒီမှာ ဆက်မနေတော့ဘူး။ ပြန်မယ်။ ကျွန်တော့်ကို ပြန်လိုက်ပို့ပေး ဆိုပြီး ဖြစ်ပါလေရော။ ဘယ်လိုလုပ်
သူ့ကို ပြန်လိုက်ပို့လို့ရမလဲဗျာ။ အချိန်ကိုလည်း ကြည့်ဦး။ အခုမှ မနက်သုံးနာရီ။ ဒီအချိန် ဘယ်လိုင်းကား၊
ဘယ်တက္ကစီရှိမှာမို့လို့လဲ။ ဟိုကောင်ကလည်း ချော့မရ၊ ဟောက်မရ ပြန်ပို့ပေးကလွဲရင် ဘယ်လိုမှ ညှိလို့မရတော့ဘူး။
ငိုပါငိုနေတာ။ နောက်တော့ ဘကြီးလည်း ဟေ့ကောင် ပြန်ရမယ် ခဏစောင့်၊ ပြန်ချင်ရင် ဒါကုန်အောင်သောက် ရော့..
ဆိုပြီး ကျွန်တော်တို့ သောက်ရင်း ကျန်နေတဲ့ အရက်ပုလင်းထဲက အရက်တွေကို  ကိုင်းခွက်နဲ့အပြည့်ထည့်တိုက်ပါလေရော။
ဒါတော့ အဲ့ဒီနွားက မငြင်းရှာဘူး။ ရန်ကုန်သားများ အတော်အကောင်းကြိုက်တာ။ ပရိတ်ရေကျတော့ ကုန်အောင်မသောက်နိုင်ဘူး။
အရက်ကျတော့ သောက်လိုက်တာများ တစက်တောင် မကျန်အောင် သောက်ပစ်တယ်။ ညီညီ အရက်ဝင်သွားပြီး တအောင့်လောက်နေတော့ ဘကြီးက မင်းတို့လည်းအိပ်ကြတော့။ ဆက်သောက်မနေနဲ့တော့။ မနက်ကျရင် ငါ ချရပ်စ်သွားရင်အကုန်လိုက်ခဲ့။ ဟိုမှာ ညအိပ်မယ်။ တနင်္လာနေ့မနက်မှပဲ တက္ကစီငှားပြီး အလုပ်တန်းလာလိုက်မယ်။ 
အကုန်လုံး အခန်းထဲမှာပဲ အိပ်။ အပြင်မှာ မအိပ်နဲ့။ မိုးအေးတယ်။ တော်ကြာ ဖျားနာနေကြမယ် ဆိုပြီး ပြောတယ်။
ကျွန်တော်တို့လည်း အပြင်မှာကျန်ခဲ့တဲ့ ပုလင်းတွေ၊ ပန်းကန်တွေတောင် မသိမ်းကြတော့ဘူး။ အခန်းတံခါးပိတ်ပြီး အကုန်လုံး
ကြမ်းပြင်ပေါ်မှာ စုအိပ်လိုက်ကြတော့တယ်။ ကျွန်တော်ကတော့ အလယ်ခေါင်ကနေ အိပ်တယ်။အိပ်ကာနီးမှာ ဘကြီး
ဘုရားကန်တော့ပြီး ပါးစပ်က တတွတ်တွတ်နဲ့ ပွစိပွစိရွတ်နေတာကိုတော့ အခန်းထဲမှာ မီးမထွန်းထားတော့ ကျွန်တော်တို့
မြင်ဖြစ်အောင် မြင်လိုက်ပါသေးတယ်။ ကျွန်တော်ကတော့ ရှင်းတယ်။ ကိုယ့်စိတ်ကို ထိန်းချုပ်နိုင်ဖို့အတွက် အဆောင်တခုကို
ခေါင်းအုံးအောက်မှာ ထားပြီးအိပ်လိုက်တယ်။ ကြောက်စိတ်ဝင်လာတာနဲ့ အဲ့ဒါလေးကို မသိမသာဆွဲထုတ်ရင်း ကြောက်စိတ်ဖြေလိုက်တာ မနက်မိုးလင်းလို့ အပြင်သွားဖို့ သူများနှိုးမှပဲ နိုးတော့တယ်။
ကျွန်တော့်ခေါင်းအုံးအောက်က အဆောင်က ဘာလဲ သိချင်ကြမယ်ထင်ပါတယ်။ တဝက်လောက်ကျန်နေသေးတဲ့ ရမ်(Rum) ပုလင်း
ဖြစ်ကြောင်းပါ ခင်ဗျာ။

ကားတစီးပေးတဲ့ ဒုက္ခ(ဇာတ်သိမ်း)