အဖော်

လက်ခုပ်နှစ်ဘက်တီးဖို့
လက်ဝါးဖြန့်ပြီး စောင့်ခဲ့တယ်
ဓားကို ဓားချင်း
နှလုံးသားကို နှလုံးသားချင်း
သိက္ခာတရားချင်းထပ်
သတ်ကွင်းထဲက စောင့်ခဲ့တယ်
တသမှတ်တည်း ချစ်မယ့်သူရှာဆဲ
တသမှတ်တည်း မုန်းမယ့်သူရှာဆဲ
ဘာလဲဟေ့... လောက
ဘဝဆိုတာ
သစ်ငုတ်ကိုမမီနိုင်တဲ့မြက်ပင်လား
စိန်နားကပ်အရောင်အတွက် ပါးနှစ်ဘက်လား
မိုးကောင်းတုန်းရွာထားဦးလို့ပြောဖို့
မိုးခေါင်တဲ့အရပ်ကို စွန့်ခဲ့တယ်
အချိန်မတန်ခင် အိမ်ပြန်ရမှာကြောက်လို့
တံခါးပေါက်ကို မေ့ခဲ့တာကြာပေါ့
ဘာလာလာ ဒေါင်းတဲ့ထဲမှာ
ငါမပါသလို ငါမပါချင်ခဲ့
ငါ့လိုအင်မှာ ငါမလိုချင်တာတွေအပြည့်
တစ်နေ့တော့ နားလည်လာလိမ့်မယ်လို့
လူးလှိမ့် ၊ ခေါင်းငုံ့ ၊ ခါးစည်းခံခဲ့တယ်
ဘယ်မှာလဲ ငါ့ရဲ့လက်ခုပ်သံလေး
ဖြန့်ထားတဲ့လက်ဖဝါးလေးက မေးတယ်
အကောင်းဆုံးမဟုတ်ရင်
အဆိုးဆုံးအတွက် မြည်ချင်လှပါပြီ ။

မောင်မိုးအေး ( လယ်ဝေး )
18 Nov 2014

ခေတ္တ - ပလိပ်

by ကဗျာနန်းတော်

.